（獨媒報導）國家林草局向香港送贈一對大熊貓，行政長官李家超早前稱， 希望身體精壯、青春成年的大熊貓來港開枝散葉。文化體育及旅遊局局長楊潤雄接受訪問時表示：「接待兩隻大熊貓，唔係淨係要佢生兒育女。」他希望藉此推動「熊貓經濟」，帶動行業發展及受惠：「我哋擺喺海洋公園嘅時候，我相信嚟香港嘅人，或者去海洋公園嘅人會增加，本身呢個係經濟帶動。」
楊潤雄接受多間電視台訪問，他在《有線新聞》訪問中談到本港再次獲中央送贈熊貓：「我哋希望佢係中央俾我哋禮物嘅時候，我哋全港嘅市民都有機會睇到啦，有佢成為我哋香港嘅一員，喺香港生活能夠好好哋，我哋會充分利用呢啲機會。」他相信在熊貓熱潮下，會有其他相對的產品或服務。
在《無綫新聞》訪問中，楊潤雄亦重申，熊貓來港的目標並非只是繁殖：「希望係一個好嘅環境下，佢哋能夠可以繁殖到下一代嘅，但係呢個亦都唔會係我哋唯一嘅目標。」他表示：「我哋希望佢係中央俾我哋禮物嘅時候，我哋全港嘅市民都有機會去睇到啦，亦都有佢成為我哋香港嘅一員，喺香港生活能夠好好哋。」
被問到來港的一對熊貓已5至8歲，港人是否能夠參與命名。楊潤雄則表示，仍有細節要與內地商討，但如果有機會，希望能讓更多人參與命名工作。
楊潤雄 Facebook圖片
有活動被指安排失當 楊潤雄：不應將所有責任轉嫁政府
此外，政府大力推動盛事經濟，對於有活動被質疑安排失當，楊潤雄就認為，外界不應該將所有責任轉嫁到政府身上：「香港有好多私人嘅活動喺度搞緊，政府我哋都支持香港辦多啲盛事，唔代表政府會管每一個盛事裡面嘅安排。」他又指當局設立盛事年表，是希望讓業界更清楚了解即將舉行的盛事，從而利用機會發展相關行業帶動生意。
當局上月啟動好客之道運動，記者問到如何評估成效，楊潤雄就稱難以設立「硬指標」，強調重點是將好客精神帶到全港各行業及階層，令來港旅客有好的體驗。