【獨媒報導】阿根廷球王美斯訪港不上場引起逾萬球迷狂噓，政府亦罕有表示失望，並多次要求主辦方Tatler Asia交代事件，Tatler Asia昨日亦發聲明，決定撤回M品牌基金及1,600萬元政府資助。文化體育及旅遊局局長楊潤雄今早在電台節目中表示，在美斯不出埸後比賽氣氛急速轉變：「我哋有份出力去推動，我哋都好失望。」他又坦言如美斯周三晚在日本的表演賽中上陣將會感到不開心：「佢可以喺日本踢，唔喺香港踢，我諗大家都會唔開心啦、唔舒服啦。」他亦指不排除美斯經過幾日後傷勢好轉。
拒評Tatler快閃回應 惟指可交代更多
Tatler Asia 在連番被政府點名後，終於在昨日傍晚交代事件，主席兼行政總裁Michel Lamunière表示將撤回M品牌基金及1,600萬元政府資助。他讀完聲明後便離開，不設記者提問環節。文化體育及旅遊局局長楊潤雄今早接受商台《在晴朗的一天出發》訪問，被問及如何評價Tatler 的「快閃回應」，楊潤雄表示不應由他評價，「等大家評價啦」，但認為Talter 可作更詳細的交代。
Tatler 在聲明中提到，根據與國際邁阿密的協議，隊中球星包括美斯、佐迪艾巴、沙治奧布斯基斯及蘇亞雷斯，除非受傷外均會上場作賽，但在比賽上半場結束後，國際邁阿密才表示美斯因傷無法出賽，Tatler 亦立即通知香港政府，並在下半場敦促國際邁阿密，要求美斯賽後向球迷發表講話，但最後無功而回。被問到該「版本」是否可信，楊潤雄未有正面回應，只稱對方聲明內容與港府所收到的交涉情況沒有衝突，但重申希望對方再交代更多。
稱從未有人撤回M品牌申請
至於Tatler 決定撤回M品牌基金及1,600萬元政府資助，楊潤雄就稱：「嗰邊就真係完咗㗎啦，既然佢都唔申請，咁我哋都唔使審批落去啦。」他續稱，希望Tatler 更多交代「美斯不上場」的來龍去脈、與國際邁阿密之間的關係，以及整個比賽安排等細節，包括原定安排是如何、比賽期間如何與國際邁阿密交涉令美斯出場等等，令球迷及港人知道更多內情，「對件事有更多掌握」。
他又形容主辦方撤回M品牌基金申請是「新議題」，指過去從未有人試過撤回申請：「過往我哋俾咗人，大家都好欣然接受，無話『我宜家唔要啦」咁㗎。」他指之後將會檢視當中影響及政府跟進工作。他又
指無權迫人交代只可提醒
主持人問到是否只可以「希望」Tatler主動交代，並不能作出「要求」，楊潤雄表示會繼續向Tatler 反映，但同意主持人的說法：「我哋有一個權力話迫佢出嚟，但我諗作為一個負責任機構，既然有咁多買咗飛嘅球迷不滿，我哋繼續會同佢講。我哋（之前）一路有工作關係，會利用呢啲關係提醒佢要做多啲。」
消委會今早表示，至今接獲245宗投訴，本地消費者佔214宗，31宗為旅客投訴，涉及金額達160萬。楊潤雄稱消費上的追討有很多途徑，亦表明政府會向Tatler 施加壓力，又指對方仍是在香港服務的公司：「我諗佢對香港呢個市場仍然係希望繼續運作，有好多嘢我諗佢要整體考慮。」
覺得受騙？楊潤雄：貨不對辦
主持人又問道政府是否被欺騙，楊潤雄就認為「欺騙」是有意圖，但同意現時是貨不對辦：「係啦，我諗所有香港人同球迷都有同樣感覺。」他強調Tatler 與政府的協議是美斯會落場至少45分鐘，亦知悉美斯有傷在身，「咁我都冇可能要一個受傷嘅人出嚟踢㗎，呢個亦都合理。」他續指，一直以來協助Tatler 舉辦活動，認為對方符合「M 品牌活動」，更坦言美斯能出場是其中一個重要因素，「最後佢做唔到究竟係咩原因？大家都表面上有解釋話佢受傷，但係希望佢解釋多啲幾時知道、受傷程度、佢哋做到啲乜。」
曾向球隊管理層反映希望美斯上場
被問道在比賽期間有否向國際邁阿密直接交涉，楊潤雄未有言明，只稱有見到Tatler 向國際邁阿密跟進，強調「一路有啲嘢發生」：「當時個集中點係點樣可以說服到美斯，或者佢隊球隊讓美斯出場。同埋當我哋確定佢唔會出場時，我哋都即刻諗吓、商量吓有冇其他美斯可以做多啲嘢，有少少交代啦。」他又指在到達球場時曾向國際邁阿密的管理層表達很希望見到美斯上場，認為球隊亦清楚知道球迷的意願。
在美斯鐵定不上場後，大批球迷賽後紛紛高呼「回水」，被問到政府官員有否想過提早離場不頒獎以示姿態，楊潤雄當時仍未完全清楚原因，加上作為整個活動的支持者，認為「繼續落去係比較合適」。
楊潤雄又透露旅發局曾向Tatler 交涉，希望美斯抽空出席本地活動，更曾有幾個不同建議，但最終因不同原因而未能成事。他又表示，即使不是被安排的活動，亦希望球員作為海外人士以自己興趣到香港不同地方遊覽，「我哋又唔係要求佢去做嘢」。