（獨媒報導）本港今年有6間戲院先後結業，九龍城影藝戲院因租約期滿，下周一為最後營業日。文化體育及旅遊局局長楊潤雄強調，要按實際情況作判斷，喚記者不應單從一間戲院結業，便認定生意不好。他指本港戲院座位數目在過去數年亦有增長 ：「我哋過往，睇到過去幾年，其實喺戲院嘅座位數目，大致上都係維持差唔多，亦都可能有少少增長𠻹。」
除了九龍城影藝戲院，位於鴨脷洲的MCL海怡戲院亦在上月尾結束營業。楊潤雄今日下午出席一個活動後，記者問到，戲院生意在疫情後的生意差了不少，當局會否有支援措施。
楊潤雄：我見到亦都有戲院開幕 須按實際情況判斷
在回應時，楊潤雄喚記者不能單從一間戲院結業，便認定生意差：「我見到亦都有戲院開幕，所以即係我哋唔能夠從一間戲院，因為佢嘅原因結業，你就話生意唔好。」
楊潤雄（直播截圖）
楊潤雄強調，要按實際情況作判斷，指本港戲院座位數目在過去數年亦有增長：「我哋過往，睇到過去幾年，其實喺戲院嘅座位數目，大致上都係維持差唔多，亦都可能有少少增長𠻹。咁所以每一個時期，戲院好唔好生意，都可能睇有啲咩戲嚟，咁等等啦。但係我哋一定會同業界繼續努力啦，做好喺電影推廣嘅工作，亦都希望市民可以多啲出嚟消費啦，喺戲院度睇戲，始終同喺屋企睇戲有啲唔同。」
根據香港戲院商會資料，截至今年8月，其會員轄下共有59間戲院，共42,130個座位。
楊潤雄：如購票應透過官方渠道 電視亦有轉播
巴黎奧運會國家隊運動員代表團在下周四，一連三日訪港。當局已預留三場共5,300張門票予公眾，門票將周四在網上、流動應用程式或信用卡電話購票方式公開發售，每張20元，並採用實名登記方式出售。
對於網上有人提供代搶服務，「手續費」更高達1,000元。楊潤雄重申，今次門票以實名登記方式在網上出售：「我覺得全港嘅市民如果真係買飛，就應該經過官方嘅渠道買。有啲部份，我哋會喺電視度有轉播，大家亦都可以安坐家中欣賞。」