（獨媒報導）《蝙蝠俠：黑夜之神》戶外放映被取消，文化體育及旅遊局局長楊潤雄出席一個電台節目，被問到能否就取消的原因作公開討論，他表示「好難每一樣嘢都攞晒出嚟大眾討論嘅。」楊潤雄又強調，電檢制度已運行多年，「大家都知道，邊啲整體大約得，邊啲唔得，其實大家都知。」
楊潤雄今早接受商台節目訪問，重申本港對電影、報刊審查有「既定制度」，多年來「跟足制度去做」，「我諗喺個業界裡面大家都知道要考慮啲乜嘢，或者要做啲乜嘢。」他指相關部門會對某些電影有要求，「有啲鏡頭可能唔適宜出呀，喺香港係唔適宜做呢啲內容，希望佢做一啲刪減。」
《鐵甲奇俠》同含暴力可放映 楊潤雄：每人觀感不同
《蝙蝠俠：黑夜之神》戶外放映被取消，引起社會關注，主持問到「係咪真係好暴力呢？」楊潤雄表示評審並非按其個人觀感，另有評審員按鏡頭、評級作決定。他指該套電影在本港已播放多次，而今次因素在戶外播放，不希望小童看到暴力鏡頭，「大家相信返個制度啦，其實亦都唔係話特別針對某一套戲。」
主持追問指《鐵甲奇俠》同有「暴力」鏡頭，但卻可在戶外播放，指市民對當局的決定感到不解。楊潤雄就指，「每個人睇唔同嘅片，同比較都唔同，大人同細路睇都唔同，所以我哋有啲片，話大人可以睇，細路唔可以睇，你唔同背景或者唔同年紀睇落去可能會有一啲唔同嘅感覺。」他認為，應相信由不同背景人士組成的評審制度，「咁咪就係咁樣嘅分級囉。」
主持關注當局能否就電影中的相關場面，及取消放映的原因作公開討論。楊潤雄就稱，相信個別電影及辦事處必然有討論，即曾建議刪剪部分情節，「好難每一樣嘢都攞晒出嚟大眾討論嘅。」
文化體育及旅遊局局長楊潤雄（圖片來源：商台）
三套台灣電影取消放映 楊潤雄拒作個別評論
此外，有三套台灣電影因拒絕應電影、報刊及物品管理辦事處刪減情節要求而取消放映，包括《逃跑的人》、《唬爛三小》及《隔離丁尼》。楊潤雄拒絕就個別電影作評論，指由電影、報刊及物品管理辦事處，及部門不從屬文化體育及旅遊局，所以未能交代考慮的決定，重申是按機制辦事，「佢哋同業界，個別電影發行商或者導演有一定溝通喺度。」
至於有台灣電影內容或含「台灣國立大學」、「總統蔡英文」等字眼，是否不可作放映。楊潤雄就稱：「要每一個個案去睇，睇吓個表達呀，大家都要去傾嘅」，但強調台灣屬中國一部分為既定立場及事實。