（獨媒報導）藝人楊明今早出獄，他即時返回電視城接受無綫節目《東張西望》訪問，表示：「喺入面嗰啲（懲教署）職員呢，醫生啦，每日都俾好多正能量我，叫我加油。」被問到離開監獄，回家後最想做的事，楊明就表示最想探望父母，但二人剛確診新冠，目前正在竹篙灣進行隔離：「所以遲少少，等佢哋出返嚟⋯⋯然之後再去探佢哋⋯⋯同埋食碗麵，因為入面無麵食㗎，係⋯⋯。」
myTV SUPER 影片截圖
myTV SUPER 影片截圖
在2020年8月，楊明在駕駛時失控撞毀石壆，承認不小心駕駛等罪，被判監18日、罰款2千元及停牌2年，及後保釋上訴，至去年12月22日遭高院駁回上訴，即時入獄18日。楊明在獄中渡過冬至、聖誕節及新年，由於明日是公眾假期，提早在今日出獄，而今早甫出獄便回到將軍澳電視城接受訪問。
訪問中落淚 喚外界「唔好再去⋯⋯揣測任何入面嘅經過」
《東張西望》今晚在首節便播出楊明的訪問，被問到在獄中如何打發時間，楊明稱獄中有規律：「喺入面係失去咗自由啦，自己都好靜好靜咁樣諗咗好多嘢，同埋反省咗好多之前做嘅嘢⋯⋯咁都希望今日出到嚟，係重新嘅開始啦。」他表示：「我希望大家知道我所犯咗嘅錯，唔好再去⋯⋯揣測任何入面嘅經過，希望都係大家俾多啲空間我。」
楊明又稱不欲再令公司（無綫電視）失望，及白費對方一直給予的機會。期間他邊說邊哽咽，並且雙眼通紅，及後終於「哭出來」，又咬唇和不斷點頭，鏡頭亦放大拍攝楊明的面部表情。
myTV SUPER 影片截圖
承諾不會再醉酒駕駛 冀日後回饋社會
楊明續表示，對不起不斷給予自己機會的人及公司：「一路支持我嘅人⋯⋯一路對我好好嘅屋企人，我⋯⋯好對唔住佢哋，其實呢個內疚感係喺入面最辛苦嘅⋯⋯無人同你傾訴⋯⋯對住四道牆，即係無嘢可以抒發，自己深深咁內疚、自責自己囉，呢樣嘢係最辛苦⋯⋯。」
被問到會如何彌補，楊明就稱已向親友承諾絕對不會發生同類事件，「同埋我會做更多嘢去幫助社會，繼續俾正能量呢個社會⋯⋯。」他在說話期間不斷「索鼻」。楊明又指：「喺入面嗰啲職員呢，醫生啦，每日都俾好多正能量我，叫我加油，所以我出返嚟盡我所能，有機會嘅我都會回饋返社會。」
myTV SUPER 影片截圖
獄中「都喊咗幾次」 稱入面「係好難過嘅」
另外，楊明承認在獄中「都喊咗幾次」，頭數日更感孤單，遭內疚感和不開心的事情「攻擊自己嗰內心」：「喺入面⋯⋯係好難過嘅⋯⋯所以千祈唔好做錯事。」
主持問：「你都受到好大嘅教訓啦？」楊明回覆稱：「嗯，真係好大嘅教訓⋯⋯爸爸媽媽都好擔心我，咁我最慚愧就係呢一點，佢哋都擔心我會驚啦，反而要兩個老人家喺出面擔心我⋯⋯同埋鼓勵我，唉⋯⋯。」
在訪問中，楊明稱，自從「出事」後減少外出：「因為都有好多傳媒去追蹤、去問咁樣，但係我喺度同各位講聲唔好意思，因為之前我單案仲喺度審判緊，所以唔方便講咁多嘢。我唔係無禮貌，唔想應佢哋，但係我冇嘢可以喺嗰段時間講。」他期望在事過境遷後，可以重新出發，稱知道朋友十分擔心自己，但認為和家人相處最為重要。