網上圖片
（獨媒報導）天文台前日發出紅色暴雨警告，西貢及將軍澳雨量的較大，區內有露天停車場出現嚴重水浸，但未有發出黑色暴雨警告。香港氣象學會發言人梁榮武稱在全球暖化的趨勢下，極端天氣包括暴雨將愈來愈多，但下雨的隨機性很大，天文台難以發出分區暴雨警告，只能在發出暴雨警告後不停補充仔細資料：「暴雨警告系統唔係照顧某一個區，係照顧全香港。用一啲所謂補充性資料去提醒市民，你住喺嗰個區，原來已經落咗好多雨啦，要小心啲啦。」
本港上周末落大雨，天文台周六（4日）發出紅色暴雨警告長達7小時，清水灣道更有山坡崩塌。梁榮武在港台節目稱難以作分區暴雨警告，「根本係做唔到」，只能以全港大範圍降雨達到標準，或預期達到標準而發出暴雨警告。被問到為何雨量在個別地區較大，梁榮武就表示「無答案」：「因為落雨嗰個隨機性好大。」他指本港降雨的位置包括西貢，都沒有特定原因，反而是大帽山、鳳凰山因為高山影響，平均會較大雨：「個天鍾意喺邊度落，就喺邊度落。」
對於4月便開始落大雨，曾任天文台前助理台長的梁榮武認為並不罕見，指4月已屬汛期，河流有機會泛濫：「不過啲雨勢咁勁，的而且確係少有。」他指現時是春天中末段，在弱冷空氣及南海、太平洋的濕暖空氣相遇，加上高空擾動下，加上氣候有所改變，雨勢較以前大。
圖片來源：坑口鄉事委員會Facebook
指天文台會發補充資料提醒市民 重申暴雨警告「睇成個香港」
至於上周六為何未有發出黑色暴雨警告，梁榮武先稱要「問返天文台」：「因為我都退咗休咁耐，唔知個標準有無改過。」不過他表示，如全港大部份氣象站的雨暈紀錄達標或超標，便會發出相關暴雨警告：「我哋唔係睇某一個地區，而係睇成個香港。」
主持追問如何透過暴雨警告系統，反映局部地區特別大雨的情況讓市民留意。梁榮武承認，暴雨警告系統「真係好難去反映」，指天文台在發出暴雨警告後會不停補充仔細資料：「暴雨警告系統唔係照顧某一個區，係照顧全香港。用一啲所謂補充性資料去提醒市民，你住喺嗰個區，原來已經落咗好多雨啦，要小心啲啦。」
周六在清水灣道有嚴重山泥傾瀉（圖片來源：李天賜Facebook ）
一度「離題」 梁榮武：垃圾徵費要繼續去做
梁榮武最後表示，如果全球暖化趨勢持續，極端天氣包括暴雨只會越來越多，並形容已是科學界共識：「我哋個大自然已經俾咗好多警號、訊息我哋，大家要小心啦，呢啲極端天氣會愈嚟愈多㗎啦，大家識做啦，愛護環境啦。」
他更一度「離題」指，雖然實施垃圾徵費雖然會造成不便，及執行上有難度，但都要「繼續去做」：「因為我哋處理呢啲垃圾，其實都係處理環境問題，同時亦都幫到氣候變化、全球暖化呢個問題。」
圖片來源：方國珊Facebook
方國珊促低窪地帶加裝排水系統
西貢區議員方國珊在同一個節目表示，區內上周六當日「好似倒水咁」，部分區域「河同路都分唔開」，多處有不同程度的山泥傾瀉，在日出康城附近的露天停車場更有數百輛私家車被浸。
方國珊指居民未有預計當日雨勢「咁急」，「私家車走唔切」，加上將軍澳工業邨部分地段屬低窪地帶，希望路政署能加裝排水系統，或參考安達臣道項目在白沙灣及蠔涌興建人工湖、蓄水池。