【獨媒報導】第五波疫情持續逾三個月仍未退，多份報章均引述消息指政府將於本周四會圍封海灘，《香港電台》於今早「十一點抗疫記者會」詢問消息是否屬實。行政長官林鄭月娥承認康文署將「加強管理」圍封泳灘，並指本來並不希望圍封，但近日「見到有啲市民湧咗去啲泳灘」不戴口罩及聚集，遂一定要採取措施。
林鄭解釋，泳灘為康樂及文化事務署轄下的場地管理，指由於沒有救生員，一早已沒有泳灘服務，但近日天氣轉暖，見到很多人去沙灘：「喺沙灘度又唔戴口罩，又會有啲聚集，咁所以我聽到康樂及文化事務署只可以係加強管理㗎啫，咁加強管理可能要圍封呢啲泳灘。」她強調之前疫情亦有試過關閉泳灘，並不是新措施。
她續指政府本來不想圍封泳灘：「因為有啲人會喺個度行下，但係見到有啲市民湧咗去啲泳灘，我哋一定要採取適當嘅工作。」
至於會否再收緊其他社交距離措施，例如一人堂食令，林鄭表示已採取最嚴格的措施，暫無意再採取更嚴格做法，更反指見到市民「有少少鬆懈」，呼籲市民如無必要應留在家中。
被問及新冠康復者在沒有打針下如何滿足「疫苗通行證」要求，食物及衞生局局長陳肇始則未有具體回應，僅稱有電腦平台及「疫苗通行證嗰啲場所佢哋嗰啲人」會寬鬆處理，又強調聯合科學委員會亦會考慮不同人士情況。