【獨媒報導】初選47人案裁決後，觸發海外法官岑耀信（Jonathan Sumption）辭去終審法院非常任法官一職。律政司長林定國接受《星島日報》及港台專訪，表示海外法官「有人走、有人來」，即使沒有海外法官都不會「死人冧樓」，因為終院案件數目每年「數手指都數完」，他形容香港擁有高度法治水平，很大功勞歸於本地法官。不過他又補充，「又唔可以話無咗無所謂，又唔係咁講」。
林定國在港台專訪回應岑耀信辭任一事，指對他很尊重，對香港普通法有貢獻，但林定國感到「最有意見」，是對方直接評論一宗未完結案件。林定國批評岑耀信「無可能唔知道，咁係畀緊某啲壓力處理案件嘅法官」，他指若岑耀信珍惜法庭獨立、無畏無懼處理案件，就更不應該評論未審完的案件。
林：係咪無咗佢會死人冧樓，梗係唔係啦
有人認為終審海外法官將跌至只得7人，質疑制度是否仍有存在價值，林定國在訪問表示海外法官沒有人數上限，「係咪無咗佢會死人冧樓，梗係唔係啦」，他指本地司法制度由最基層的小額錢債審裁處，一直至上訴庭，都沒有設海外法官，只有終院設機制，他指終院案件「佔分額好細」，一年處理的案件「數手指都數完」。他認為香港擁有高度法治水平，「好大功勞歸返本地法官」，他直言「唔會話無咗幾位非常任法官，對法治有好大影響」，但同時補充「又唔可以話無咗無所謂，又唔係咁講」。
回歸設海外法官 因現實考慮
他解釋回歸後設有海外法官制度 ，是因為1997年當時香港法官數目不多，香港無法官有行使終審權的經驗，海外法官制度可以透過外來經驗，增強國際對香港司法制度的信心，同時鞏固香港行使終審權，以及培訓法官。
非針對六四、FDNOL、光時、五一手勢
另外，林定國又在訪問表示，當局並非針對六月四日，而是針對煽動意圖相關罪行，「我唔理你講64，636261，定1617，完全唔係關係」，他強調不論日子，只要行為構成煽動意圖行為相關罪行，就有被起訴風險，「我唔理你邊日㗎」，只要有人走出來說支持港獨，或要推翻國家政權，就有機會觸犯法律，若有人「利用某日子特登去講」，是「個人選擇」，或者有人認為該日「可以吸引多啲人注意」。
他又不同意「FDNOL」、「光時」，或者兩手舉起五隻和一隻手指，日後等同觸及「紅線」，他批評有關說法「誇張」，市民不應針對個別字眼認為「呢樣唔得嗰樣唔得」，他強調不是「英文字問題」，亦不是不准說「光時」，而是字眼背後意圖，「講嚟做乜咋嘛」。
間接資助潛逃者 舉證或稍難
他又回應何謂直接或間接金錢資助「指明潛逃者」，「你畀錢佢使梗係唔得啦，但明知我畀完你，你會畀佢，咪間接囉」，他又指其新聞官為例，「我畀錢佢老公，明知佢老公嚟手畀佢，唔通我唔會唔知落咗佢袋？」他強調是「睇事實」，即使沒有接受法律訓練的市民都可以用「常理」自行判斷。直接與間接，從檢控角度只是舉證難易度之分，間接資助涉及的證據或較多，「但都得唔得㗎」。