【獨媒報導】民主黨昨晚舉行中委會，宣布將啟動解散程序。民主黨前立法會議員李華明今早在商台節目稱，一向直接與共產黨不同部門及機構溝通，曾向他們問及民主黨在12月立法會選舉會否獲提名，獲簡單回答「仲捱到12月咩你哋」。

李華明：民主黨繼續存在亦慢慢被陰乾

消息指民主黨是受壓解散，李華明今早出席商台節目，被問是否從中間人收到訊息，「我就唔係中間人嘅，我對嗰啲係共產黨嚟嘅溝通嘅人」。他指中間人或會剪接，「我從來都無中間人，從來都係同唔同部門機構溝通。」李華明指他向他們問一個問題，「12月（立法會選舉）民主黨仲有冇得提名呢？佢好簡單答，「仲捱到12月咩你哋」，「俗啲咁講，收皮啦你哋。」

他又稱曾與主席羅健熙交流「風聲」，指有中間人向黨員稱「你哋摺埋好喇」、「真係好直接，唔係掩藏嘅」。李華明明言，民主黨即便繼續存在，亦會慢慢被陰乾「無錢咁點呢」。民主黨無法籌款，包括無法賣獎券亦無法舉辦晚宴。「選又唔俾選，見又唔見，我哋可以點走落去呢？」

被問到如不自行結束是否會有「行動」，李華明指「其實我就唔知」，但指去年12月民主黨中委改選，參選人被滋擾，「要搞我哋點會搞唔到？」

李華明猜測與立選有關

他個人猜測，12月為立法會選舉，如民主黨參選但無法獲得提名，「責任會落咗去邊度呢？」「呢個局面會有人會唔想睇到，咁不如你民主黨消失咗好啲。」

被問民主黨沒有被取締是否「較好結果」，李華明指「取締」困難，但很多千其百怪的方法令民主黨無法運作，「去到咁嘅情況我都真係無話可說」。

李華明不認同是「合理結果」，形容是無可奈何，「錢又無，點延續落去呢？」他指即便容許民主黨參選，欠缺資源下黨員亦不會參選，令人心傷。他明言會「沉痛、無奈地」投票支持解散。

被問是否支持解散 劉慧卿：到時睇吓點啦

民主黨前主席劉慧卿在同一節目指，去年12月中委改選，參選人數比名額更多，未料到如今要解散，「簡直係天下奇案」。對於會否投票支持解散，劉慧卿稱「到時睇吓點啦」，「好多嘢都仲發生」。不過她明言「唔係好想支持」，惟民主黨「都唔係少人坐緊監」，如更多人（坐監）「咁你又大件事」，需考慮很多。

羅健熙：唔能夠特別講太多，好抱歉

民主黨主席羅健熙在節目中，指深入討論「係呢幾個禮拜嘅事」。對於是否收到「訊息」及其內容，羅健熙多次重申「唔能夠特別講太多，好抱歉」。主持問是否有難言之隱，羅健熙只稱可「各自去理解」。

民主黨曾就預算案約見政府，一段時間後至上周四（2月13日）獲通知已安排與一名稅務主任見面，民主黨周五回覆出席名單，但周六獲告知「撞咗第二個會」，未能安排。翻查資料，財政司司長辦公室設財政預算案及稅務政策組，該組設有財政預算案及稅務政策組主任一職。

昨晚央視新聞亦以快訊形式報導，指「反中亂港組織香港民主黨宣布解散」，民建聯今日更發聲明，指「民主黨過去路線越走偏激，對國家安全及香港社會穩定造嚴重損害，它宣布解散絕對是咎由自取。」