【獨媒報導】立法會今早舉行「行政長官互動交流答問會」，其中一節討論「弘揚中華文化推動文旅融合」，李家超就展現其文化造詣，他分享中學時讀陶淵明《桃花源記》，了解到「宣傳的重要性」，縱然是世外桃源，「無人知呢，係去唔到㗎」。他認為香港有很多特色旅遊路線，因此宣傳十分重要，不能成為一個「隱世地方」，他稱「香港係一個桃花源，唔係一個桃花源記」。

《桃花源記》記述一個漁人無意間發現桃花源的經過和見聞，描寫一個理想的、避秦苛政、遠離戰亂的理想美好世界。文章體現了陶淵明對理想社會的追求，亦反映他對現實社會的不滿。

指《桃花源記》令他聯想「宣傳重要性」

而在今早「行政長官互動交流答問會」上，李家超聽完不同議員對文旅結合建議後，表示令他聯想到「以前讀書」的往事，他指「我記得讀《桃花源記》，陶淵明，呢個世外桃源，嗰個漁夫蕩失路先去到㗎，去完之後呢，想再去？搵唔到㗎」。他指縱然是世外桃源，「無人知呢，係去唔到㗎」。

他續指，香港有很多特色旅遊路線，「宣傳好重要，宣傳先知道，香港係一個桃花源，但香港不是一個桃花源記！因為桃花源記呢，佢係一個隱世地方，我哋要所有人都知！所以香港打造佢喺不同方面桃花源，係非常啱！」不同強調政府只有「搭台作用」的李家超，再借題叫每個市民和業界參與，他指「桃花源有幾多桃花，大家平時點生活呢，係要在座每位一齊創造出嚟嘅」。

議員的建議離不開開放「紅色、藍色、綠色」旅遊，較有新意是張欣宇建議推廣香港「交通文化」，並指最近香港舉辦的交通活動，不少大灣區「交通迷」參與。

李：政府係官員，我唔准官員從商

李家超綜合議員意見後，再一次表達「最重要參與者不是政府」的訊息。他指政府負責「搭台、寫劇本」，但要「演好呢場戲，肯定係所有演員」，他表示政府創造人氣，但轉「人氣」變「財氣」就要靠社會和商界，他更指「政府係官員嚟嘅，我唔准官員從商，因為從商智慧一定喺民間」，他稱相信在座議員的「智慧」。

李家超又表示若要政府資助，就要「睇情況、睇項目」，他舉例新界有很多「吸引特色」，「如果凝聚到力量，喺香港某個地方搞個好吸引嘅『乜乜城』、『乜乜古都』，呢啲都得㗎」，但他再重申「點樣打造呢？係要演戲嗰班人」。