【獨媒報導】香港即將迎來「香港夜繽紛」啟動後第二個周末，有市民在電台節目反映，上周與內地朋友在本地餐廳用膳感受很差，餐廳在晚上9時截單，侍應「食完一碟執走一碟，好似趕你走」，而且價錢昂貴。另有市民批評政府的廟街的工程不設實際，「土生土長香港人，點會無啦啦走去廟街」，並表明即使搞美食街也絕對不會去，「好老實，老嘅就早瞓，後生就唔吸引，家庭主婦更加唔會漏夜帶啲𡃁仔出街」。
今個周末，香港繼續「夜繽紛」，尖沙嘴星光大道將會與K11 MUSEA合作，在尖沙嘴海濱擺立市集，亦有音樂表演，另外K11MUSEA、K11 Art Mall、THE FOREST的營業時間將會延長晚上11時。另外海洋公園亦有夜遊樂園和音樂會活動。
有市民指商場舖大多維持晚上八點閂門
官方和商界傾力推活動，但在港台節目《千禧年代》中，市民意見卻一面倒看淡。聽眾陳先生表示指過往周末晚上有外出消費，發現很多商戶都未能配合「夜繽紛」，他觀察指不少商戶未夠八時已準備收工。
陳先生提及一次他與內地朋友用膳的經驗，餐廳在晚上九時已經截單，侍應「叫我可唔可以快啲（走）」，惟網上資料稱餐廳晚上十時半關門。他批評「一來貴，二來食完一碟執走一碟，好似趕你走咁嗰啲感覺，好差㗎大家都」。他坦言商戶未準備好「夜繽紛」，即使政府不停催谷，達不到效果之餘還令市民「有啲唔開心」。他認為政府大灑金錢不停搞大型活動，「倒不如畀啲商戶自己吸客」，或設立基金讓商戶申請「谷客」。
相信老幼主婦都難被廟街吸引
他又談及政府大力催谷的廟街，「我土生土長香港人，點會無啦啦走去廟街？」陳先生表示即使政府將廟街變成「美食街」亦「絕對唔會去㗎喇」，「好老實，老嘅就早瞓，後生就唔吸引，家庭主婦更加唔會漏夜帶啲𡃁仔出街」。他批評「商場都未搞好，你（政府）搞外面嗰啲真係無意思」。
廟街
市民：股市冧樓市冧，儲錢好過
另一聽眾陳先生指，香港夜經濟在90年代成行成市，即使沒有政府協助，部分宵夜檔營業至凌晨四至五點，主因是香港整體「經濟好、股市好、樓市好，自然市面好」，「你睇下而家香港咩經濟？愁雲慘霧，嘩，股市又冧，樓市又冧」。
他指香港人的消費能力主要來自資產增值，例如買樓升值等，但現時樓價下跌，「你係香港人會唔會消費？諗點樣儲錢好過」。