（獨媒報導）晚市堂食被禁近四個月，今日終於重開，並恢復最多四人一枱。尖沙咀一帶的餐廳座無虛席，眾多食店座落的厚福街亦人頭湧湧。有人特意跨區前來支持黃店食肆，嘆有部分黃店已因捱不過疫情而倒閉。
晚上的尖沙咀牛角門外，不少人輪候入座，包括M先生一行七人。他表示，今晚為同事郭先生的 Last Day 餞行，雖要分作兩枱，又等候逾一小時，眾人並無退意，郭先生亦笑說「啱啱好，擲界食到」。被問到應否放寬至八人一枱以上，M苦笑「政府講咩我跟咩囉，我哋冇話事權」。
佐敦的壽司郎門外同現人龍，一家三口前來的謝太稱，慶幸不用再被隔住用餐，笑言「之前都係爸爸坐隔離枱」。謝先生隨即指「一早應該要（放寛至）四個人（一枱）啦！」
鄭先生一家三口
有食客憂疫下黃店難捱 一開即撐
和女友跨區到尖沙咀光顧嘉寶漢堡的 Kelvin，直言擔心黃店生意，「知道呢段時間都有啲黃店因為疫情執咗。」女友 Catherine 惋惜道，一直想光顧另一黃店「程班長」，無奈其早前結業，就此失去機會。
Kelvin 續指，將把握晚市重開的機會支持更多同路人，Catherine 附和道：「平時食嘢揀多啲自己想去嘅地方、想支持嘅餐廳。」對於會否擔心堂食再被禁，Catherine 直言「覺得政府隨時會做呢樣嘢，唔係驚唔驚嘅問題」，Kelvin 則期望政府「跟返個世界去行」：「如果跟返外國，其實可以唔洗限人數。」
Catherine 與 Kelvin
在佐敦的另一黃店牛屋餐廳，熟客梁先生亦特意從九龍灣前來，重温久違的「鋸扒」滋味。他稱對餐廳有感情，停晚市期間雖常買外賣，但笑道「呢啲冇得外賣，拎返去已經唔好食㗎啦」。
市民現時進入食肆均需掃瞄「安心出行」及「疫苖通行證」，以證明至少接種一針，至本月底便需打齊至少兩針，至5月31日則需打足三針，或出示豁免證明書或康復碼。
梁先生