（獨媒報導）葵涌邨疫情回落，繼逸葵樓後，被圍封逾一周的映葵樓和夏葵樓今晨亦先後解封。清晨約六時半，穿保護衣人員陸續搬走映葵樓外的水馬，警員亦剪開圍封膠帶。在地下大堂，疑有居民不滿圍封多日，傳出「成個禮拜冇收入呀！」的鼓躁聲，又多度催促「仆街！嗱嗱聲啦！」醫護人員屢度勸阻，惟其後容許居民先離去。
記者上前追問，居民大喊「趕住返工呀」便箭步離去。另一男子緊隨其後，他亦對記者表示須工作不便回答，惟轉頭便停步領取福袋，再前往上班。不少居民得知恢復「自由身」，一大早便出門。有人難掩喜悅，直言「好開心」，亦有長者稱只欲前往茶樓，「我哋老人家就係要飲茶！」
有居民表示要趕上班，但不忘領取福袋
居民形容圍封如坐監 如今心情「好釋放」
年老的馬先生嘆圍封最辛苦是「冇得飲茶」，過去一周僅能在家喝茶講故，故現在只欲前往茶樓，「我哋老人家就係要飲茶！」記者問他是否相約茶友或孫仔，他笑言是自己一人。
馬先生
馬先生步出映葵樓時全程難掩喜悅，對記者喊「好開心呀我而家！」他表示圍封數天「好慘好悶」，故天未光便要「落街行吓散心… 去好遠（嘅地方）。」他形容經歴比坐監更差，笑稱「唔好再犯法啦，坐監咁慘㗎真係！」被問到會否擔心大廈內仍有傳播風險，他認為現在「與病毒共存好啲」。
葉先生
葉先生同表示，「咁大個仔未試過被困咁耐」，如今心情「好釋放」。他本身是地盤工人，指老闆日前要求他停工兩周，損失近五六千元收入，幸好本身有足夠積蓄，對生活影響不大。
有居民戴上兩個口罩
師奶舉V大讚圍封安排好 惟拒評福袋：驚講咗俾人鬧
民政處今日在映葵樓和夏葵樓外設服務站，每户居民可憑信領取福袋乙個。福袋由「安記海味有張公司」製造，包括臘腸王、花菇皇、溏心鮑魚及鮑魚雞湯等。
李太太
李太太甫看見記者，便舉起V字手勢，高呼「心情好開心！而家去大家樂… 去買奶茶！一個禮拜未飲過奶茶呀！」她大讚政府圍封行動安排非常好，「又包哂三餐，檢測完又有小禮物」；惟當記者追問她如何評價福袋時，她靦腆笑稱：「驚講咗俾人鬧呀。」
