林鄭今日在星島專訪正式宣佈最新得意諗法，明日大嶼2期 (700公頃) 人工島計劃將會「壽終正寢」，指「慢慢先喇……第二日再諗」，意味著明日大嶼將會由1,700公頃大減4成至1,000公頃。
其實在近日發佈的香港2030+更新版已有端倪，去到2048年都只係預左明日大嶼新增1,000公頃土地，與今日所指「唔一定要做」700公頃基本吻合。
做一半唔做一半既諗法真係好得意，明明之前講到明日大嶼係個無敵「上乘投資」，咁好既投資計劃點解又要大縮水呢？最新又話新界北係「必賺生意」，按此邏輯，點解唔全部一齊開發賣地賣樓賺到笑呢？
而單從成本效益上，人工島縮水4成令明日大嶼計劃更加不知所謂，啲千億基建做好哂，但海就填一半，將會更不化算理，據更加難以支撐。
當然，人工島計劃本身已經是多餘，多到連近日都要話要填到要儲，在長遠規劃在長遠土地需求（2600公頃-3000公頃）外額外再做多1,100公頃（總計4100公頃）曬太陽，先唔講係咪真係有咁多經濟土地需求，數字透露出其實連明日大嶼第一期（1000公頃）都唔駛做，長遠土地供應都綽綽有餘。
今日專訪稱因為明日大嶼都係「願景」，唔代表一定要做，亦唔代表一定唔做。咁隔多陣又換個領導，原有話一定要做既，又會唔會另有新得意諗法，令明日大嶼這個林鄭任內旗艦項目，像80年代那時一樣再度爛尾呢？
必須提醒，明日大嶼正式諮詢時間下年才開始，依家林鄭已經急著話明日大嶼要做什麼不做什麼，基本上已經提早宣佈假諮詢遊戲提早結束。
但無論如何，可見香港土地政策已經進入全面動盪期，遊戲玩法轉變，各種「願景」隨時變很大，有啲跌左就唔好搵。
參考資料：
星島專訪：明日大嶼第二期700公頃 林鄭：慢慢先喇
【新界北大勢下 明日大嶼已經變得irrelevant】
（本網歡迎各界投稿，文章內容為作者個人意見，並不代表本網立場。）