【獨媒報導】中國上月「預告」恢復通關，旅遊熱點日本即限制中港澳航班只可使用部份機場，直至昨日才宣佈周日（8日）起全面解禁，港澳航班可使用全日本機場。香港旅遊業議會主席徐王美倫認為放寬對農曆新年的旅行團幫助不大，指旅行社未能趕及籌備旅行團，「旅行團係安排唔切，唔係訂唔切啲房，而係你要收客㗎嘛，咁你收到幾多個？譬如你攞咗機位，30個人，咁個團可能收得10至20人，對個成本係差好遠。」
旅議會：航空公司今午公布增加航班
徐王美倫今早接受港台《千禧年代》訪問，她指放寬是好事，但距離農曆新年只有兩星期，未能趕及籌備旅行團，沒有太大幫助。她認為今次放寬對自由行旅客較有吸引力，「如果（加班機）出嚟個價錢都唔係太貴，佢哋時間仲係假期，我相信對佢哋嚟講更加吸引啲。」日本昨日同時宣布可恢復增加若干香港直航日本的航班，徐王美倫稱不清楚可增加的航班數目，但指航空公司今日下午將會宣布「加班」消息。
日本上月曾限制香港航班只准使用成田、羽田、關西及名古屋4個機場，部份到沖繩、福岡及北海道的旅客變相要取消行程。徐王美倫承認部份旅行團亦受波及而取消，但是否可以重新成團，趕及如期出發仍須視乎最新航班資訊。
被問及如旅客出發前發現確診，會怎樣安排。徐王美倫稱通常會盡量安排退款或延期，不用額外收費，「佢都唔想㗎嘛，會盡量配合。」
料2月每日10團入境團
內地與香港最快周日首階段通關，徐王美倫稱已「等咗三年」，但強調要有序開關，加上每日設有通關限額，不覺得旅行社生意會「報復式上升」。她指開關初期或有少量旅行團，農曆新年後才會有較多入境團，預計每日10團。