（獨媒報導）新一輪公屋住戶申報昨日展開，住滿15年的公屋全長者戶需要申報居住狀況，但不需要申報資產，涉及約12萬戶。房屋署署長羅淑佩稱，當局已特別關顧長者，理解住滿15年的公屋全長者戶不需再申報資產，或持有物業：「我哋都知道老人家係要退休，佢要有個積蓄，所以我哋明白嘅。但要話俾我哋聽，你係唔係持續喺個公屋單位裡面居住。」她指出，長者如有特別原因可作申報，房署會就每宗個案酌情處理。
房屋署去年10月推出加強版公屋住戶申報制度，以打擊濫用公屋。房委會昨日已向住滿15年的公屋全長者戶，另入住剛滿2年的非全長者戶，及到期申報的富戶派發申報表，租戶必須在11月30日前交回表格。
羅淑佩今早在商台節目《在晴朗的一天出發》講述措施，重申公屋住戶必須符合「持續居住」。被問到持續居住的定義，她解釋即為「連續三個月居住」：「我哋都係一般講緊，你三個月裡面居住啦，唔係淨係朝頭早返吓嚟，夜晚黑都要喺度瞓。」她表示，如有長者因病進出醫院，當局會考慮相關情況。
如入住院舍亦設適應期 喚可找屋邨經理「傾吓偈」
假如有公屋全長者戶已入住院舍？羅淑佩就表示，當局亦有機制處理，會給予長者適應期：「如果個適應期裡面，覺得院舍住得安落，都可以交返間屋俾我哋。我哋亦都保證，將來發覺唔好想返返嚟，我哋亦都會搵個合適單位俾你。」
羅淑佩提到，長者如有需要可隨時找屋邨經理「傾吓偈」：「佢哋好樂意同大家講。」她又提醒，住戶不應持續丟空公屋單位，讓其他家庭獲編配住屋機會。
首兩輪暫收回3,300個單位 羅淑佩：反映申報制度有成效
在節目中，羅淑佩提到，政府自去年收緊申報政策及優化富戶政策後，首兩輪暫時共收回3,300個單位，當中部分屬租戶主動交回，另有經房屋署與土地註冊處對比資料後再收回單位。
羅淑佩認為，相關數字反映申報制度有成效：「除咗更加掌握住戶嘅情況之外，亦都係對於經濟情況好轉，但係佢平時唔為意，我哋申報提一提，佢哋都好願意交返間屋俾我哋。」另外，房屋署早前透過查核屋邨停車場的名貴車輛，羅淑佩透露，已有4宗個案屬不合資格情況，署方已發出遷出通知書。