【獨媒報導】第二批內地援港醫護下午到港，在下午的疫情記者會上，《Now新聞》問到，如要投訴內地醫護，有甚麼渠道。醫管局表示，會按現行機制處理。衞生防護中心總監徐樂堅則稱，市民應本著感謝的心，「未必講緊有咩需要投訴嘅話⋯⋯有咩投訴渠道，我諗喺呢個時候，市民喺唔同情況之下接受嘅治療最重要」。
醫管局總行政經理劉家獻亦重申，市民應感謝由內地援港的醫護：「你諗吓，如果突然之間叫你去一笪地方做嘢，咁你有你屋企人，你亦都離開屋企人嚟照顧我哋香港嘅市民，我諗感謝係我哋必須懷住嘅心。」
劉家獻：公立醫院收到的讚揚遠比投訴多
劉家獻又表示，可向病人聯絡部反映，又指公立醫院收到的讚揚遠比投訴多：「大家都會講好多投訴，如果大家知道多啲資料呢，其實喺醫院裡而我哋在一個叫做病人聯絡主任、聯絡部，其實收到嘅讚揚信遠遠多過投訴信，但好多時大家都唔會問有幾多個讚揚，淨係問幾多個投訴。」
首批由內地到港的醫護，獲醫管局委任為名譽僱員，他們將在亞博社區治療設施開始臨床工作。醫管局多番重申，本地醫護會和內地到港醫護共同為病人提供治療，並由局方承擔最終責任。劉家獻指出，內地醫護的工作性質和本地醫護相同，包括接收病人、巡房、為病人提供治療、護理、署方藥物，及有需要時為病人急救。
醫管局：香港醫護可和內地醫護面談
此外，醫管局已在社區治療設施的電腦系統已加入中文介面，指內地醫護可以自行輸入資料，不需要本地醫護代為輸入及另行翻譯。有記者關注，中文介面如何在日後保留記錄。
劉家獻表示多名內地醫護均懂得英文：「識用英文、識睇，當然佢哋日常可能會用中文多⋯⋯但加入中文方便佢哋去睇，都方便返佢哋輸入資料。」他更稱，香港醫護亦懂得中文，及不止於文字溝通，更會面對面交談。
劉家獻表示，雖然內地和本地醫護來自不同地方，但本著救人的天職：「大家都係具有豐富經驗的醫護人員，雙方可以合作無間，協同為病人提供治療。」
在記者會尾聲，《AM730》記者再追問，醫管局如何令市民對內地醫護有信心。劉家獻重複內地醫護為擁有高水平、專業的精英：「大家一定要放心，我諗大家都明白，喺呢個時候得到一啲咁高水平嘅醫療人員係香港之福。」