【獨媒報導】本港勞動人口短缺，多個行業要求輸入外勞。酒店業主聯會執行總幹事徐英偉接受恒生大學傳播學院節目訪問，指「相信全世界對於我哋香港嘅觀感係幾負面」，認為外面的宣傳「講咗另外一面」，但不少外國專家訪港後，都認為香港「其實係好好嘅」。他希望各個行業先做好基本服務，再加強對外宣傳本港的服務品牌，並認為旅客是最好的代言人，在訪港後可將第一身感受對外分享。
徐英偉曾任民政事務局局長，去年捲入「洪門宴」事件後辭職，今年4月出任香港酒店業主聯會執行總幹事，早前更成為足總董事局副主席。對於多個行業均輸入外勞，徐英偉接受香港恒生大學傳播學院節目《恒傳感言》訪問，指酒店業輸入外勞是迫不得已，稱「有得揀都唔想輸入」。
節目截圖
徐英偉：外國專家睇到香港的一面「其實係好好嘅」
在節目中，徐英偉主動談到外國對本港的觀感負面，加上過去較少對外宣傳：「我相信全世界對於我哋香港嘅觀感係幾負面，所以點樣可以將我哋香港⋯⋯其實真實嘅一面，因為其實好多外國expert 嚟香港，領事都有同我哋傾開偈，嚟到香港，佢哋睇得到嘅一面其實係好好嘅，但係可惜好多外面嘅宣傳就同我哋講咗另外一面，我哋真正嘅一面，同好嘅一面要靠我哋一齊去講。」
節目截圖
另外，徐英偉稱本港復常速度較慢，多個行業均出現人手短缺，航空業尤其地勤人手不足，從而令來港航班減少，對酒店業亦有影響，並指商務及遠程旅客一般會來港居住數晚，酒店業接待人手同樣短缺。
稱人口短缺情況不突然 任勞福局副局期間已有
曾任勞福局副局長的徐英偉，他就指2015至2018年間的人口開始高齡化，零售及運輸業沒有新人入行，司機平均年齡已70多歲，認為人口短缺的情況並不突然：「其實唔單止預計到，係嗰陣時已經有。」
徐英偉指本港不同行業搶人，造成惡性循環，酒店業成為少林寺為其他行業輸出人才。本港酒店現時共有8.9萬間房，約3至4萬勞動人口在酒店工作，徐英偉稱酒店業仍缺乏9,000名工作人員，旅客目前僅恢復至疫情前六、七成：「如果啲人返晒嚟，頂唔住㗎啦。」
節目截圖
徐英偉指旅客對灣區較有興趣 盼多加推動本港深度遊
被問到來港旅客的旅遊模式已有所改變，留港時間較以往短 ，徐英偉指該模式十分正常，並以日本為例：「如果我去大阪玩，會唔會玩足一個禮拜？」他強調，香港有足夠內容能讓遊客玩足一星期，但旅客對灣區較有興趣，在遊覽香港後前往澳門、珠海及深圳已十分正常：「咁多嘅旅客嚟到香港，我唔洗要佢七日喺晒度，係咪先？住兩晚、一晚都OK嘅。」
節目截圖
至於有來港旅客「食一兩餐就走」，徐英偉就稱自己前往日本亦會到街市「食好平嘅嘢」，來港旅客會到深水埗購買舊相機、吃蛋撻及光顧茶餐廳，但認為更多旅客會到米芝蓮餐廳用膳：「講真你去到內地，有無咁多嘢揀呢？未必㗎喎！」
徐英偉稱本港的文化深度遊同樣吸引，即搶包山、飄色及舞火龍，希望可以多加推動：「淨係去感受體驗一次，起碼都一兩日啦！」