【獨媒報導】政府致力推動年輕人往大灣區升學就業，惟香港新方向立法會議員張欣宇出席一網台節目時，表示不認同把年輕人送到大灣區，認為香港應自己培育人才，「重點係搵到自己城市發展嘅機遇，而唔係話將啲人送去邊度」，令香港繼續成為大家嚮往的地方。
批「話將啲人送去邊度講唔通」
張欣宇出席民主黨前主席劉慧卿的網台節目《議會內外》，當中談及吸引人才，他認為最為重要是地方上的發展機遇，其次是住屋、稅收、醫療等相關配套。但香港經歷社會動盪及疫情後，元氣大傷，未來應避免激化社會矛盾。
節目亦談到年輕人到大灣區發展，他坦言：「成日都講將啲人送去大灣區，呢樣嘢我係唔認同嘅。」他認為一個城市要解決自身的問題，「重點係搵到自己城市發展嘅機遇，而唔係話將啲人送去邊度，呢個唔係好講得通。」他又認為香港應自己培育人才，以及令香港繼續成為大家嚮往的地方。
劉慧卿Facebook圖片
稱爭論主權問題無助香港發展
另外，張欣宇提到香港有三個角色層面，分別是「香港市民的香港」、「中國的香港」及「世界的香港」，三者不能忽略。對於香港主權的爭議，張欣宇就指，香港過去10年不斷放大討論主權問題，「變咗大家鬥嚟鬥去，但呢樣嘢對解決城市問題係無乜幫助，如果大家將啲精力擺喺度係好難發展㗎」，認為香港應聚焦政策討論。
支持再放寛防疫限制：都開放咗12人一枱食飯啦
至於放寛疫情措施，張欣宇表示，香港的經濟仍未復蘇，認為政府應解除防疫限制，盡快令社會復常，「都開放咗12人一枱食飯，咁你同無限制個分別係邊到？我都唔係好明白。」至於政府推出「共創明Teen」友師計劃，他認為讓學生見識更多是好事，惟質疑計劃未能解決社會資源分配不均所帶出的貧窮問題。
張欣宇曾任港鐵尖沙咀站車站經理，現時亦身兼工程師，劉慧卿亦問到他對三隧分流的看法。張欣宇指，紅隧、西隧及東隧已經包和，難以分流。他建議，政府不應調整繁忙時段收費，反而調整非繁忙時段，把西隧私家車收費由75元減至30元，希望達到分流作用。他又建議政府應免卻巴士及小巴等公共交通工具的隧道費，但交通工具營運商須按比例降低車費。