【獨媒報導】支援反修例示威者司法訴訟的612人道支援基金宣布將於10月底解散，建制派今日在立法會上圍攻財經及庫務局，批評局方兩年來未有調查612基金，局長許正宇辯稱需參考其他國家規管方式。何君堯炮轟許正宇失職，更大讚警方凍結星火同盟，「有嘢要睇你唔睇，有嘢要做你唔做！」許正宇則否認：「我絕對唔係失職，亦都唔係卸責。」
葛珮帆
許正宇批612基金蠱惑人心、可恥可恨
民建聯葛珮帆今日在立法會提出口頭質詢，狙擊612基金未有按《社團條例》申請註冊，要求交代基金和真普聯有否收取境外資金，以及是否涉及洗黑錢。許正宇指，612基金未有按《社團條例》及《公司條例》註冊或獲豁免註冊，警務處國家安全處亦已就組織涉違國安法展開調查。他指，政府不會個別評論「自稱基金」的狀況，呼籲公眾劃清界線，分清是非黑白，以免受騙。
多名建制派議員不滿答覆，葛珮帆批評612基金「幫黑暴打官司」，質疑現時仍未凍結資產及作出拘捕，「市民覺得政府係咪縱容佢哋最後掠水？俾時間佢銷毀證據、轉移資產？」民建聯陳恒鑌亦批評，612基金非法運作逾兩年，涉及金額龐大，質疑法例存有漏洞，「點解真普聯借嗰户口出嚟，做一啲同登記目的唔同嘅事，銀行又會接受呢？銀行體系係咪出咗問題？ 」
許正宇亦和應批評基金「蠱惑人心」，令人以為犯罪成本低，行為可恥可恨。他指，現行法例是以籌款目的規管籌款活動，「我哋係以個目的作為出發點，唔係個方式」。他又指，政府有觀察國際如何規管眾籌活動，政府會以現有法例「慢慢去諗」下一步工作，「工具已經喺到，但啲成效足唔足夠同配套要去諗」。
謝偉俊
謝偉俊：係咪要國安法兜巴摑醒你做嘢？
何君堯激動斥責許正宇，「人哋打劫打咗兩年，而家先睇？」他大讚警方凍結「星火（同盟）基金」，「但你財經事務冇睇到612，仲話唔洗立牌！」他又提及工聯會麥美娟早前曾建議局方規管眾籌，惟局方當時稱無需處理，要求提出立法時間表，「你係專家，唔洗睇人啦，一定要做，係幾時做」。
謝偉俊亦批評政府多年不作為，政府在實施國安法後才「如夢初醒」，「係咪要國安法兜巴摑醒你要做嘢？你咁多工具都唔用，有咩藉口呀？要唔要派人民解放軍出嚟呀？」
許正宇強調「我絕對唔係失職，亦唔係卸責」，重申現時屝有相關法例以籌款目的監管活動。他又指立法茲事體大，需透過不同個案累積經驗，不會貿然因何君堯的說話而不負責任拋出「空嘅時間表」。