（獨媒報導）廟街「救亡大計」已有定案，就是將100米路段搖身變成「國際美食街」，配合售賣不同乾貨手信。廟街商會主席陸興發昨埋怨「唔好咁傻啦」，強調自己是「唯一代表」的油麻地廟街販商商會主席陳錦榮今早在電台不點名反駁有人「空口講白話」，聲言「有變就有機，唔變就死路一條！」他的「變」包括淘汰「賣咗廿幾年」的「I love HK」T恤，亦要淘汰「等退休」的販商。陳錦榮建議政府以12萬元收回檔販牌，再開放抽籤，並限制攤檔「指定賣咩」，不能「魚蛋好賣就個個賣魚蛋」。
「香港心情，都係一個心情咋嘛」
陳錦榮反駁陸興發昨日指攤販「無言冷淡」，今早在商台《在晴朗的一天出發》強調，販商「點解唔雀躍？個個都雀躍，有個希望喺度」。他不點名指「嗰位人士都唔係販商，都唔係條街開檔，空口講白話」，他指現時「環境幾咁差、幾咁死」，如果再不「諗啲野」，就全無希望，他又指香港人「有魄力㗎嘛」，不能消極面對，「有變就有機，唔變就死路一條！」。他又形容「香港心情，都係一個心情咋嘛，驚第日搵唔返啊，啲錢又唔知點啊」，他稱「只要有個信心，嘩，市面夠旺嘅」，就可以解決問題。
陳錦榮又指，整個工程由旅發局主導，因為由對方出錢，整個佈置工程，相信以百萬元計，而販商的攤檔，陳就指大概花費數十萬元，「做到好靚，每檔都有霓虹光管、招牌喺度發光架喇」，「都好平嘅啫我哋呢度。」
旅發局埋單 估計動用數百萬「化妝」
他續指，關鍵在於販商「喺條街咁耐，較為接地氣啲」、「做咗幾廿年遊客生意，都知遊各想睇到咩，食到咩，正正係我哋強項」。主持人遂叫他「數下畀大家聽」，陳錦榮指部分貨物要更新，例如還賣「I love HK」T恤的人，「就Out咗啦，賣咗廿幾年啦」。他認為香港未有食物手信，相信可靠包裝食物發圍。他最希望「打造」臘腸、辣椒醬、腐乳等手信，他想像「每個人嚟香港，你幫手買啲香港辣椒醬返去啦！好出名㗎咁樣」，等同市民去澳門買杏仁餅回港做手信。他指美食街配合乾貨，再加上唱歌、睇相、塔羅牌，會令遊客在晚上「有個好去處，唔使返酒店睇電視」。
消防指明火須有防火板 棄大排檔念頭
關於牌照問題，陳錦榮指本來最想有一至兩檔大排檔，「炒吓嘢，炒吓河，有啲鑊氣」，遊客「有張枱、有凳，飲啤酒坐喺度睇風景」是最理想模式，不過食環及消防都表示不理想，要求檔與檔之間有防火板做好分隔，他於是改變想法。
他又指現時會向食環申請一個臨時娛樂牌照，每個攤檔另會申請臨時食物工場製造牌，商會將協助少數族裔或未熟程序的檔主申請。
「外來人」無法參與擺檔
他構思約有數檔傳統香港小食，例如牛雜、燴蕃薯、炸大腸等，另外有十多檔不同國家美食，他指不想與深圳珠海地區的市集類近，「得燒嘢食、炸嘢，純粹係咁對國內遊客吸引力不足」。
至於「外來人」是否可以加入廟街擺檔，陳錦榮就指「無辦法」，第一階段只得100米街道試驗。他指若反應受歡迎，例如「10個（遊客）有一個嚟呢度呢，就真係踴躍喇！」屆時政府就要考慮開放更多街道做「美食街」，他指部分商販心態是「等退休」，建議政府一筆過以12萬元補償並收回攤檔牌照，再「交返出嚟再抽籤」。但他表示將來攤檔「要指定賣咩，唔好魚蛋好賣就個個賣魚蛋，咁就失咗個意義」，並令美食街吸引力減低。
他又透露自己當年曾入標搞美食車，「好在唔中標」，參考美食車的經驗，他稱有限制是好事，但不能限制太大，例如只准出許入標是寫明的3至4款汽水和熱狗「限死哂」。