【獨媒報導】食物及衞生局長陳肇始早前稱全民檢測期間不排除實施禁足，導致多區出現恐慌性搶購潮。百佳超級市場今日宣布，即日起米、罐頭食品、麵食、盒裝雞蛋 、廁紙及藥品，每個貨品類別每人限購5件。《獨媒》記者今日到位於粉嶺的百佳超市，人流明顯減少，惟藥物仍短缺，對於搶購潮疑似完結，有市民嘲：「啲人搶幾日都搶夠啦，仲搶乜鬼嘢。」
《獨媒》記者今日下午到粉嶺名都百佳超市觀察，現場人流大減，回復搶購潮前的情況，排隊付錢的人龍不足10人，自助收銀處亦只需輪候數分數。
超市在限購貨品架上貼有「限購5件」的告示，部份牌子的麵食及雞蛋被「清零」，金寶、亨氏牌的湯類罐頭則貼上「缺貨」；藥物貨量仍短缺，如「必理痛」、「幸福」、「樂信」品牌藥物均售罄，只剩數盒治肚瀉藥及暈浪丸。至於廁紙、米的貨量充足；未有限購的凍肉、蔬果、急凍食品，亦無出現「清零」狀況。
粉嶺名都百佳超市
藥物售罄
羅太接受《獨媒》訪問時稱，過去數天曾到上水惠康超市，惟貨品已被清空：「餃又冇、乜都冇呀！排隊排個幾鐘」，故今天嘗試轉戰其他超市，最終亦如願買到蔬果。對於超市人流減少，羅太嘲：「啲人搶咗幾日都搶夠啦，仲搶乜鬼嘢。」
今日才到超市購物的陳小姐則表示，因日前超市人頭湧湧，擔心染疫，故沒有加入「搶購潮」，並稱幸好家中仍有足夠的糧食。對於部份貨品限購5件，她直言：「其實5件都已經好多，5盒蛋都成50隻」，她又認為限購是好事，令其他人可買到所需的物品：「起碼買到啲嘢囉。」
貨品價急升 市民：小朋友要食，加價都要買㗎啦
市民羅太亦不滿貨品不斷加價，一邊選購一邊抱怨：「乜嘢都加價」、「烏冬又貴咗成倍，之前只係廿幾蚊」，但她表示仍會捱貴價食物：「小朋友要食，加價都要買㗎啦，唔係到時（禁足）真係冇得出門。」
市民羅太
另一市民林太則表示，搶購潮令她無法買到存放期較長的急凍餃子，稱「日日落嚟（超市）都冇晒」 ，她表示自己沒有搶購食物，認為市民過於恐慌：「我唔會好似啲人盲目咁掃，第日冇咁嚴重嗰時，啲嘢堆積如山」。她指家中的食物已吃得七七八八，故今日才到超市買些凍肉、菜和豆腐等。她又稱，食物價格上升，現時吃飯會「慳啲食，落少幾片肉。」
市民林太