（獨媒報導）政府昨日推出新版《公務員守則》的諮詢文件，保留「政治中立」字眼，但大幅增加前設，例如必須效忠國家和香港特區；《守則》亦要求不得用公務員身份對政府作出批評，個人身份發表意見時亦有多項規範。公務員事務局局長楊何蓓茵今早在電台表示，私人機構工作也不容許員工批評公司，日後即使公務員申明「私人身份講」，也不是「講乜都得」的牌照，尤其若言論衝擊法治，她「強烈建議同事唔好講」。公務員工會聯合會主席唐麗娥認為《守則》存在灰色地帶，「幾時係批評，幾時係意見」，相信更多公務員會為了避免踩中政府「紅線」而刪除社交媒體，「唔好煩，睇唔到我仲好」。
楊何蓓茵在港台《千禧年代》形容今次修改《公務員守則》「改動唔算細」，除了增加公務員憲制角色外，亦加入多個基本信念，她指改動的原因是「公務員唔係普通一份工」，隨時代變遷，社會對公務員要求提高，很多細節有必要特別寫出，例如要求「熱心公共事務、勇於走出舒適圈」的信念，以往同一做法「好耐先變」，現時希望公務員「改變革新」。
楊何蓓茵（資料圖片）
楊何指「個人身份」不是免責牌照
至於改動較大的「盡忠職守」和「政治中立」，楊何蓓茵稱部分內容「唔係新，一向都係咁」，舉例私人機構亦不容許員工批評公司，亦要避免私人時間發表的言論影響服務的機構。主持人問道，公務員日後是否凡表達意見前都要申報「個人身份」，她表指「唔係絕對牌照，拎咗就講乜都得」，要視乎該人員的職級和發表內容。她指出《守則》要求公務員「堅守法治」，若言論內容衝擊規條，即使以個人身份她亦「強烈建議同事唔好講，嚴重嘅個後果」。
楊何蓓茵又強調「唔係叫（公務員）乜都唔好講」，而是「睇場合、身份、職級」，若一名教育局公務員批評教育政策，「真係有尷尬」，又稱銀行亦不會容許批評客戶。她又提醒若公務員談及工作範疇，要「萬分小心」。
可以接受「理性溫和」方式提「建設性意見」
有工會代表昨日表示新《守則》令言論空間收縮，楊何蓓茵反駁「我又唔覺得收窄」，她認為作為僱員，對僱主應「有責任、職業道德」。她又補充，建設性意見如果以「理性、溫和」方式表達，則沒有問題，「唔係全部意見唔畀提」。
至於會否擔心造成公務員之間互相舉報的文化出現？楊何蓓茵表示公務員在生活上及網絡上的言行「好多眼晴睇住」，相信「現今世代唔難傳返嚟政府」，當局不會檢查私人通訊，但如發現有「不妥」，會採取行動。
工會：大聲唔代表無禮貌 擔心被屈批評
公務員工會聯合會主席唐麗娥在商台《在晴朗的一天出發》表示，《守則》部分修訂模糊，希望當局能給予更清晰指引，「唔想公務員踩咗政府底線」。唐昨日有出席與當局會面，對方沒有給出清晰例子何謂「批評政府」，她舉例去年職方不滿政府就選舉工作的安排，事後給予意見，政府有跟進並去剛過去區選採用，效果理想。她指有公務員擔心「幾時係批評，幾時係意見？呢個好主觀」，例如她以工會身份向政府表達意見，「有時大聲唔代表無禮貌，但有人聽到，喂你做咩批評局長批評政府」，她擔心給予意見被扭曲成「批評」。
唐麗娥提到，過往幾年很多公務員認為「唔好煩」，索性將個人身份開設的社交媒體帳號刪除，「唔好煩，睇唔到我仲好。無辦法喇，大家都係為咗保住份工啫，唔保住份工果啲都走咗啦」，不少同事表示已經一年多沒有用Facebook 或Instagram 等社交媒體。
「乖乖地推政策」、「少說話多做事」
她亦認為不少公務員在新《守則》落實後，會抱著「唔好講喇，少說話多做事，唔好講咁多」，避免惹上麻煩。主持人問道，以後公務員還有沒有「個人身份」？唐麗娥表示要「唔好畀人知你係公務員，咪有個人身份」，但即使是個人身份，亦要避免談及政策，「政府最怕有啲地方令佢尷尬」。她表示在工會立場，從來都是給意見，而不是批評政府，她相信往後亦可以就公務員權益、薪酬福利發聲。
唐麗娥認為政府凡有影響部門運作的決定，都應諮詢公務員，讓他們有正式渠道表達意見，否則「仲可以同邊個講」。