（獨媒報導）去年《施政報告》倡增加市民幸福感，房屋局早前為公屋制定「幸福設計指引」，提出8個幸福概念。「共築幸福・屋邨節」昨日（9月7日）開幕，財政司副司長黃偉綸表示，未來5年公屋平均每年落成量達3.5萬個單位，有信心將輪候時間縮減至4.5年。
全港30條屋邨辦活動
房屋局及香港房屋委員會昨日起至9月15日，在全港30條公共屋邨舉行「共築幸福・屋邨節」，活動包括幸福跑團、屋邨導賞、慶典晚會、單車文化導賞等。財政司副司長黃偉綸、房屋局局長何永賢、副局長戴尚誠、房屋署署長羅淑佩等，昨日在沙田美林商場舉行開幕儀式。
一眾嘉賓原定將參與戶外舉行的「屋邨文化單車導賞」，惟因天雨關係改在商場內舉行「極速單車對戰」，他們分為司長隊及議員隊，司長隊成員為黃偉倫、何永賢，戴尚誠及梁洪偉，議員隊則有陳克勤、梁文廣、李梓敬及顏汶羽。比賽分為4輪，每輪雙人對戰踩1分鐘單車，最終賽果「打和」。
房屋局局長何永賢
新民黨李梓敬
黃偉綸致辭時指經過多年努力，未來5年公屋平均每年落成量將達3.5萬個單位，有信心將輪候時間由2021/22年度的6.1年，縮減至2026/27年度的4.5年。
他提到，2014/15年度後每年平均產出1.55萬公屋單位，僅及現時數量的一半。不過他重申「呢個唔係過往唔努力，而係話土地嘅產出真係需要嘅時間真係長」，形容今日為「收成期」，歷經多屆政府努力及街坊支持。
何永賢指「幸福好似好抽象」，但稱8個指引下有50多個策略，並化成170個設計環節，笑言「呢啲環節就好落地啦，一啲都唔抽象」，「我有170多樣俾大家選擇放落屋邨設計。」她又提到，公共屋邨約有三成公共空間，可作善用，例如辦時裝節，笑言「抬頭一望啲街坊舖，好多都賣衫㗎喎，啲衫都有佢嘅特色，有佢嘅屋邨味道文化，係咪郁可以變做時裝表演呢？令到啲街坊，或者婆婆、姐姐哥哥可以型起來。」
