（獨媒報導）政府稱要加強打擊濫用兩蚊乘車優惠的行為，一連兩個月展開全港性查票行動，高姿態派出3人小隊在巴士和小巴總站，及港鐵站內截查乘客，運輸署指首日行動未發現違規行為。小巴業界代表張漢華今早在電台節目表示，過往只在過海小巴發現零星濫用個案。主持人問他，有無向政府反映集中資源巡查過海線，張漢華表示「唔講得㗎」、「唔話得佢㗎」，3人小隊首日不阻礙運作，「佢企喺度啫，咪由得佢企囉」。
香港公共小巴車主司機協進總會主席張漢華今早在商台《在晴朗的一天出發》節目表示，觀察昨日行動，3人小隊由運輸署職員及保安組成，小巴站頭負責人亦有幫手，主要「企係度」，沒有上車巡查。對乘客而言，他認為小隊穿著制服令市民有警惕，直言「如果要濫用，都唔會做啦嗰嗰時間」，他對昨日發現零違規不感意外。
過往有便衣放蛇 小巴司機中招
張漢華又指，紅色小巴大多行走舊區，做的都是街坊生意，「好多老人家，你識我我識你，濫用機會好微」，過去一年只發現數宗濫用，主要在收費較高的過海小巴。他舉例在香港仔過海線，曾發現年約廿多歲青年，上車時使用兩蚊優惠，在司機要求下補回車費，公司有紀錄呈交運輸署。
他又指與政府的會議，收到訊息是「執行囉，任務囉，派職員去站頭監察囉」，他表示小巴可以中途上落車，反問「沿路上客點捉啊」。按他了解，運輸署過往有派便衣扮乘客跟車，因為過往有小巴司機收信，被指沒有按分階段收費調整收費機，濫用補貼從而賺取差價。至於今次行動會否有便衣，張漢華表示「唔講㗎，嗰啲秘密嚟㗎嘛，唔講畀我聽」。
張漢華：唔話得政府㗎
主持人又問他，與政府開會時有無反映應集中資源打擊過海線的濫用情況，令資源人手可以減少。張漢華支吾表示「唔講得㗎」，又指不應欺騙政府，「呃政府，呃一蚊都係一蚊」、「唔話得佢㗎」。他總結針對小巴的首天行動，3人小隊沒有周圍要求乘客出示證件，「佢企喺度啫，咪由得佢企囉」。