【獨媒報導】無直播的啟德體育園開幕禮，當晚四間電視台同晚延播後，至今四日仍未能在網上重溫。文化體育及旅遊局局長羅淑佩稱，聯播節目「完成」後亦一般「無得再睇」，現時正進行剪輯及處理，稍後會上架，具體時間未有進一步公布。
開幕禮的播映安排，一直備受爭議。首先是未有安排直播，當局解釋稱是以最佳角度、一氣呵成向觀眾展現開幕禮。不過同晚的四台延播，播出的版本卻有出錯，歌手葉麗儀兩度出場。
《明報》今日報導，錄播開幕禮節目播出後，四台網頁皆無法找到重溫，引述「官府中人」承認已經下架，但否認與剪片「甩碌」有關。
羅淑佩今日被記者問及事件時，她稱節目「無所謂上過架」，稱播放節目完成後一般皆「無得再睇」。節目會於稍後上架，現時正進行剪輯及處理，具體時間則未有進一步公布。
她稱：「四台聯播之後就完成咗，咁個節目當然完成咗之後就冇得睇喇。一般做法呢啲節目稍後呢係可以上架嘅，很多頒獎禮呀，事後係可以上架。」她又提到：「咁依個而家進行緊個剪輯，或者最後一啲嘅處理嘅工作之後呢，佢係會上架嘅，但具體嘅時間我依家呢就冇進一步既消息可以同大家公布。」