（獨媒報導）房委會將清拆轄下四幢工廠大廈以改建公營房屋，涉及逾2,000名租戶，引發四廈租戶聯合要求不遷不拆。民建聯立法會議員周浩鼎今早發佈「香港再工業化建議書」，被問到會否贊成租戶訴求以保留工業空間，他僅表示「政府有政府規矩」，「新選出嚟嘅地方，做一個集體嘅配套規劃，嚟得會更加好」。
周：不掌握工廈內仔細情況
周浩鼎今早發佈「香港工業4.0——再工業化啟動建議書」，指再工業化不是60年代的「穿膠花」，「不是走回頭路，不再做勞動密集、低附加值嘅工業」，採用智能生產線的輕工業才有出路，如食品加工行業，「唔係鬥平，鬥平係無出路嘅，係鬥高端、鬥高質素」。周其後讀出7項建議，包括在新田落馬洲增加工業用地、協助香港產品開拓內地大灣區及東盟市場、抓緊「十四五」規劃的機遇等。
房委會將清拆豁下四座工廠大廈，令不少租戶失去工業空間。被問到會否贊成不遷不拆，周回應「我相信你係咪講緊好似係沙田、大埔嗰啲」，指自己未必適合評論個別個案，但相信政府的清拆安排「經過一段長嘅時間去處理」，「我又未必好掌握到裡面仔細嘅情況」。
稱「政府有政府嘅規矩」
他續指，長遠而言應在落馬洲建立高科技工業區，為新界北的未來人口製造就業機會，「你問我呢，我比較會覺得......與其係咁，其實喺呢啲新選出嚟嘅地方，做一個集體嘅配套規劃，嚟得會更加好啊」。
記者再追問落馬洲新工業區與現有的四幢工廈是否不存衝突，周僅重覆指「政府有政府嘅規矩，我覺得都係按返政府既有嘅程序去處理返」，「用返呢啲新嘅方式去處理未來工業發展，我覺得會比較合理」。
房委會於5月底公佈清拆轄下4座出租率高達97%的工廈，即火炭穗輝工廠大廈、九龍灣業安工廠大樓、長沙灣宏昌工廠大廈及葵涌葵安工廠大廈，以提供4,800個公營房屋單位。房委會勒令2,088戶租戶於18個月內遷離，並發放相等於15個月租金的特惠津貼。