【獨媒報導】網上連日流傳多段疑為的士業界自發「放蛇」，打擊Uber 網約白牌車的短片，警方回覆查詢時表示，並非警方行動，正在調查事件。的士小巴商總會理事長周國強表示不贊成業界自行「放蛇」。對於有網民呼籲罷搭的士、舉報及炒牌作「報復」，周國強就稱：「我聽見都好心傷，我希望佢哋（白牌車司機）明白到，佢哋自己可能喺灰色地帶遊走，喺現有法例佢唔係合法，被人拉就發出報復式行為，就大家都唔好。」
網上圖片
稱去年僅33宗針對白牌車執法行動 與業界期望有落差
周國強今早在港台節目《千禧年代》表示，「講真我哋都未了解」，只稱看到傳媒報道有個別司機報案：「屬實嘅話我哋都唔贊成。」他指政府去年就網約白牌車的執法行動只有33宗，與業界期望有很大落差：「大家知道，事實白牌車係幾嚴重，大家都見到個數字。」他呼籲市民、司機及車主要克制，透過商會向政府及警方要求執法：「不過，我明白到佢哋對警方執法數字嘅落差。」
對於業界自發「放蛇」行動，周國強表明不贊成，稱本港是法治社會：「姑勿論白牌車佢係咪犯法，應該都係由政府執法，唔係我哋市民執法，其實呢個係鐵一般事實。」他認為，司機可以透過商會向投訴及反映：「用到市民自己去執法，政府唔想見到，甚至我哋業界都唔想見到。」
資料圖片
指傳媒對白牌車問題有誤解 憂演變成「政府施政遭抨擊事件」
在節目中，周國強同時指不少傳媒對白牌車問題有誤解，稱網約平台在本港屬合法，但如沒有確實車輛的出租證，就會令司機、行人及乘客的保險都會失效：「我希望政府同警方能注視到呢個情況，因為如果唔係到真係有嚴重意外，索償唔到，或者令到有人身傷亡賠償唔到，演變咗政府施政俾人抨擊嘅事件，到時大家都唔想。」
此外，的士車隊預料今年年中投入服務，周國強就指參考澳門經驗，的士投訴數字減少九成，網約私家車需求亦大幅下降：「當的士提升到，咁接近所謂網約車嘅服務嘅話，其實市民對網約私家車需求降低，呢件事絕對可以終結㗎啦。」他表示，作為行業「幾大嘅持分者」，將與其梯隊認投的士車隊牌照，為行業帶來新氣象。