（獨媒報導）民主黨本周日（26日）將舉行特別會員大會，決定會否派人參選12月的立法會選舉。創黨成員李華明日前稱民主黨應派人參選，否則應解散，民主黨主席羅健熙反駁指：「民主黨參唔參選都好，我哋仍然係會繼續盡我哋所能，講香港人可以講嘅說話。」他強調，不論有沒有議席，將繼續爭取市民認同。
稱尊李華明言論自由 不信「唔參選就要解散」
李華明日前指民主黨應該參選，「唔參選就係出賣民主運動」，惟他個人無意參選。他又揚言如民主黨不參選的話，自己將會退黨，民主黨亦應解散，形容為「歷史任務完咗」。
民主黨今午召開記者會，提出對新一份施政報告的建議。被問到會否視李華明的言論為威脅時，羅健熙回應指，尊重每一位黨友的言論自由，「唔會特別覺得，佢咁樣講係咪一種威脅、威嚇啊、或者叫做焗啲黨友去選」。
他續指，黨內自3月起已進行多次討論，亦討論過類近於李華明的觀點，但自己不相信「民主黨唔參選就要解散」。他以自己為例，指雖然辭去了利東邨的區議員議席，但相信仍可得到大部分利東居民的認同，「所以我覺得個重點係，我哋如何去得到香港市民嘅支持同埋認同」。
有記者追問如不參選，將如何面對四年的空隙期。羅表示：「參選唔參選都好，未來四年都係好困難嘅，就算我哋有議席都好，我唔會見到成件事就會容易咗。」他強調不論有否議席，均將繼續做地區工作及政策倡議。另有記者問到黨內是主選派或棄選派佔多，羅表示不會公開評估。
促政府澄清棄選是否對抗基本法
全國僑聯副主席盧文端亦曾撰文指，若民主黨棄選會是「死路一條」，更有機會被定性為對抗基本法。對於盧文端的說法，羅苦笑回應：「如果有啲嘢犯法嘅話，你就早啲話畀我聽，作為國安教育嘅一部分，我都係好願意聽嘅。但so far我都未聽到政府官員有具體嘅回應，非常之可惜啦。」
林鄭月娥曾在本周二行會前見記者時指：「咁如果佢（民主派）都無參選，我哋點可以令到另一類人當選呢？」羅回應道，即使是建制派陳玉娥亦難以覓得選委提名，「佢過去都經常參與選舉，但佢今次都搞唔掂，係咪？客觀地可以見到，大家參與嘅空間、難度係大咗」，強調政府應反省選制本身的限制，而非歸咎不參選的人。
深水埗區議員袁海文
區議員第二場宣誓於今早完成，被問到對民主黨成員的過關信心時，羅苦笑指很難估計，並稱民主黨會向被DQ的區議員提供一貫的支援。記者問到深水埗區議員袁海文會否考慮參選立法會時，袁表示他將跟從黨的決定，亦不會以個人名義參選。