（獨媒報導）中文大學學生會前會長、元朗區議員張秀賢前日（24日）在社交平台發文，宣佈已報名參選中大校友評議會副主席。他接受《獨媒》訪問時指，上星期才決定參選，縱使現時政治形勢艱難，但不同的崗位均需要有人把關。他坦言難以估量勝算，尤其近日有許多校友移民離港，惟他指如今有投票機會實屬難得，籲校友積極投票，「雖然都係冇乜實權，但喺選舉入面，始終有票就有話事權。」
無人參選下頂上：我仲做到嘅，就係盡量阻止有人做壞事
張秀賢今日出席元朗區議會會議後接受《獨媒》訪問，提到自己對參選與否掙扎了一番，在上星期才下決定。他指，現時政治形勢艱難，但不同的崗位均需要有人把關，「冇人去選咪我去囉，冇乜所謂，好似以前學生會同區議會咁。」
張坦白自己的政綱不太有突破之處，當刻時勢下難以推行大幅度改革，惟他希望「做到幾多得幾多」，「而家可以做到嘅嘢好少，我講『仲可以做好多嘢』都係假嘅，但係我仲做到嘅，就係盡量阻止有人做壞事。」他亦指以校友評議會身份介入學生會與校方的糾紛有難度，但都要「做咗先知」。
今年4月舉行的中大校友評議會改選。（資料圖片）
移民潮下難估量勝算
今年4月校友評議會改選中，被視為較開明的楊于銘當選主席，前屯門區議員盧俊宇及前九龍城區議員李軒朗亦以高票當選常委。對於是次副主席選舉，張秀賢稱難以估量勝算，尤其近日有許多校友移民離港。他亦指，保守派於校友評議會佔過半數，開明派需要多取兩席才有主導權。
張希望中大校友不要因4月的勝利而鬆懈，指在緊繃的政治氣氛下，投票機會實屬難得，籲校友積極投票，「雖然都係冇乜實權，但喺選舉入面，始終有票就有話事權。」他又指今個星期內會與其他參選人開會討論選舉安排，並盡快公佈。