政府新聞處圖片
【獨媒報導】政府昨啟動打擊衞生黑點計劃，政務司副司長卓永興今早在一個電台節目表示，計劃將持續兩年，黑點在短期內只會增加不會減少，「唔會係一年半載就局勢大定，可能係要做一年，我自己主觀要做兩年度」。
卓永興接受商台訪問表示，現時逾600個黑點「只係果」，當局將會吸納市民提供的黑點，「就算係有啲我哋清咗嘅地方，短期都唔會喺黑點名單移除」，以防止故態復萌。
計劃釐清灰色地帶 後巷棄置電單車由運輸署接波
曾任食環署署長的卓永興，他認為現時的環境衞生問題悠久，重申打擊衞生黑點行動將會持續，強要求各部門制定行動計劃，例如清洗力度及如何處理相關黑點。
卓永興稱，在2003年清潔香港運動後，當局制定的建議書十分詳細，但並非所有內容均成功落實，今次計劃將釐清灰色地帶，即責任屬於那個部門，其中後巷棄置電單車則已由運輸署「接咗波」。
政府新聞處圖片
拒視察前洗太平地 黑點數量將成績效指標
卓永興昨與環境及生態局局長謝展寰落區，到塘尾道視察後巷。被問到事前是否曾「洗太平地」，卓永興透露，「我撫心自問我從來唔做呢啲嘢」，「嗰條後巷我前日去睇過，前日去睇同尋日去睇差唔多」，更重提任食環署署長時曾與唐英年視察深水埗，在事前亦未有預先「洗太平地」。
另外，卓永興重申，其領導的地區事項統籌工作組同要負責處理老大難問題。但他就表示，在打擊衞生黑點上，政府不應永遠「都係用咁大力度去做，如果咁呢，某程度上係政府嘅失敗，亦都係香港嘅失敗」，但他指黑點數量將會為其中一個績效指標。