（獨媒報導）今年七月起，旺角發生多宗冧石屎事故，最新一宗為周日（9月10日）旺角奶路臣街。屋宇署周二（9月12日）在油尖旺區議會一個委員會上，指約900幢沒有委任註冊檢驗人員的樓宇，油尖旺佔180幢，署方現正進行識別當中潛在風險較高的樓宇，有需要則會進行緊急維修。屋宇署代表形容署方如「急症室」，只處理最即時危險，樓宇維修長遠而言仍須業主進行。
發展局局長甯漢豪在7月30日時表示，屋宇署已識別了約1,000幢狀況緊急的樓宇，需要屋宇署安排維修，工程費用將於完成後向業主收取。周二油尖旺區議會上，屋宇署強制驗樓部的高級屋宇測量師劉鎮琪指，約900幢當中有180幢位於油尖旺區，認為比率相當高，署方正按風險程度識別，有需要會進行緊急維修。他打比喻稱屋宇署如「急症室」，只會協助識別和處理最即時的危險，長遠而言仍需業主自行維修樓宇。「咁你話好彩嘅又得，咁政府嗰個急症嘅服務就集中咗係油尖旺區囉。唔好彩嘅就係，油尖旺嘅樓嘅風險分數就高啲。」
劉鎮琪
在會議上，民主黨區議員李偉峰憂政府出手維修，會令市民有政府「包底」的錯覺，著屋宇署「請一定要追番佢哋相應嘅費用⋯⋯唔係嘅話，庫房返唔到錢返嚟，就幫唔到其他樓。」屋宇署則重申，完工後會「逐家逐戶」向業主追回相關款項。
李偉峰
全港2,700幢大廈逾期強檢 屋宇署：「整個社會樓宇老化嘅問題」
甯漢豪在7月30日時亦提到，全港有約2,700幢樓宇逾期未遵辦強制驗樓令，當中約900幢還未聘請註冊檢驗人員。屋宇署代表在會上稱，署方在8月份已出動無人機，檢查22幢樓宇，其中有19幢發現外牆、露台或簷篷底部出現石屎鬆脫的情況，已派人進行緊急工程。
民主黨議員朱子洛直言聽到後「嚇親」，認為有問題的比例太高，屋宇署則稱，該22幢被歸類為「最危險」，但指「危險嘅部分都唔係好大規模性嘅嘢，主要係有啲裂痕，有明顯空鼓嘅地方，都係小地方」。劉鎮琪指署方出動無人機前已通知大廈法團，亦已預先聘請「判頭」，發現問題後立即解決，形容「呢個行動嘅成效都算係理想同有效率」。
朱子洛
對於整體時間表，劉鎮琪指「整個社會樓宇老化嘅問題，無論社會嘅資源、政府嘅資源，或者我哋署方嘅資源，都有個局限。」署方會按樓宇風險分批處理，並已向900幢樓宇發信，如大廈法團不合作會考慮起訴，並介入維修。
議員冀警方用「協助調查」取代「拘捕」
旺角道寶安大廈7月2日冧石屎後，涉事單位業主和大廈業主立案法團主席一度被指遭警方扣留調查。區議員許德亮對此感擔憂，指業主立案法團成員怕誤墜法網，「宜家好多係意外，唔知道呀嘛。」他認為法團成員應獲免責條款，警方日後處理同類事件亦不應「拘捕」，改為「協助調查」，以免引起法團成員的「恐慌」，「我哋已經收到附近區嘅委員話，不如唔好做啦，如果被人扣捕嘅話。」
許德亮
他強調自己「唔係挑戰警方嘅警力或者法例」，只是想「學吓嘢」，讓他可以「安撫下啲（法團）委員」。
不過會上並無警方代表，許德亮聽後大驚，委員會主席李偉峰則指：「你望吓份嘢（出席名單）⋯⋯唔好嚇我喎，農曆七月尾。」
區議員林健文亦認為目前法團成員責任不清，指連續兩次冧石屎的新興大廈主席當時身處內地，亦憂回港後會被捕。不過他返港後警方並無與他聯絡，望警方可澄清執法標準。
林健文
油尖旺民政事務處高級聯絡主任莫婉玲則指，現時 《建築物管理條例》第29條列明，若法團「真誠地及以合理方式行事」，可無須承擔冧石屎的法律責任。
莫婉玲