【獨媒報導】政府在區議會選舉投票日設立「貼心安排」，當局會向已投票的選民派發心意卡作「感謝」，並在投票站旁設「打卡位」予市民與選舉吉祥物拍照。公務員工會聯合會總幹事梁籌庭在電台節目表示，心意卡對公務員構成無形壓力：「無理由無端端俾張心意卡俾你。當然你點投法、點入去係你嘅自由，壓力一定有。老闆已經係話俾你聽，有啲咁嘅事發生咗，我係咪都要搵張心意卡照一照先，我履行咗公民責任。」
公務員事務局昨日回覆傳媒查詢時稱，不會要求公務員在投票後作任何形式的申報或證明，當局不會亦無法監察公務員有否投票。
資料圖片
稱同事已料當局會「出招」嘆家屬同面對壓力
被問到公務員對該安排會否有壓力，梁籌庭今早在商台節目《在晴朗的一天出發》稱「梗係有啦」，現時更要安撫同事。梁籌庭表示，在當局推出兩項「貼心安排」前，「同事已經諗到㗎啦」：「大家都話用咩證明我哋入咗去投票呢，唯一一樣嘢梗係有識別啦。」
梁籌庭重申，認同投票是公民責任：「我哋始終都係公務員啦。老闆發出到要咁嘅指令嘅話，其實就好大壓力。不過，他指除了公務員面對大壓力，慨嘆家屬亦有壓力，更難免會對子女稱：「記得去投呀，如果唔係你可能會有事發生，懲處呀諸如此類！」
指政府宣傳排山倒海 梁籌庭：無理由無端端俾張心意卡俾你
政府連日鋪天蓋地作宣傳，呼籲市民周日投票，多個政策局義工隊更落區「企街」。梁籌庭亦形容，政府的宣傳非常厲害、排山倒海：「以前無特別講到公務員，但今次特別提醒公務員（投票）。」他笑言，居住宿舍的公務員必定要履行投票責任，輪班的公務員在今次選舉亦要投票。
主持「質疑」，當局未有要求公務員在投票翌日後上班攜帶心意卡，及在社交媒體展示與打卡位合照的照片作投票證明，問到壓力何來。梁籌庭則稱，必然有無形壓力，指公務員「係好醒嘅」：「無理由無端端俾張心意卡俾你。當然你點投法、點入去係你嘅自由，壓力一定有。老闆已經係話俾你聽，有啲咁嘅事發生咗，我係咪都要搵張心意卡照一照先，我履行咗公民責任。」