【獨媒報導】上周北角警員開槍案，一名38歲有精神病紀錄的男子，被警方開槍擊中胸部身亡。死者家屬今日到警總請願，其遺孀手持丈夫的遺照，多次泣不成聲，指「報警係叫你來幫助我，唔係叫你殺死我老公，我好後悔報警呀。」
死者遺孀表示，當日曾多次向警方表達不希望對方開槍，「報警係叫你來幫助我，唔係叫你殺死我老公，我好後悔報警呀。」當日報警的她稱「我害死咗我老公，我相信警察先報警，點知警察係咁做嘢，我害死咗我老公。」她指警方專業，有其他武器如胡椒噴霧等選項，認為開槍「唔合理」。她稱「唔甘心」，盼為死去的丈夫取回公道。
警員開槍時，與被指持刀的死者距離1.5米。「1.5米，我老公隻手有咁長咩？」她指近日「訓唔到、食唔到」，「我覺得佢死得好慘呀！」
其遺孀又提到，當日其丈夫是以拳頭攻擊其母親，認為或是警察到場後、丈夫害怕才持刀。她指如警員開槍打其丈夫手腳「留番條命」她仍可接受，但「你一槍打死佢我真係接受唔到。」
港島總區刑事總部（行動及刑事）警司冼國明在當日開槍事件發生後見記者，重申開槍的警員別無選擇，使用的武力亦符合守則，表現專業。警務處處長蕭澤頤日前亦被問及事件，指事發時「電光火石」，「大家都唔想有啲咁嘅事發生」。
死者的父親亦曾接受商台訪問，過往曾多次報警，將兒子送院治療，望警方協助送院，不明白警員為何開槍。