【獨媒報導】公營醫療收費「改革」方案中，門診每項藥物由每16星期15元，加至每項每4星期收20元。以相同數量的藥物計算，費用將由15元加至80元，加幅逾四倍。醫管局總藥劑師崔俊明在電台節目稱，加價後每星期的藥費「其實」只需5元，「你飲杯奶茶都唔止呢個數目」，惟惹來聽眾致電節目駁斥他不識病人苦況：「長期病患要好多隻藥㗎！佢（崔俊明）知唔知呀？」有長期病人料自己藥費將由200元加至890元，質疑政府調整收費是懲罰長期病患：「唔通我呢啲長期病患，又係濫用呢啲覆診咩？」

醫管局總藥劑師稱藥費便宜「飲杯奶茶都唔止呢個數」

對於藥費大增，崔俊明今早在港台節目《千禧年代》訪問稱，「如果你純粹睇個數字，真係倍數計」，但強調仍然可負擔，笑稱：「20蚊四個禮拜，每個禮拜都係5蚊，其實你飲杯奶茶都唔止呢個數目。」

他指調整收費是為幫助醫管局引入更多新藥至藥物名冊，擴大安全網，「咁你都要有啲錢去資助呢樣嘢，咁所以其實係每人畀多少少。」

聽眾斥崔俊明不體恤長期病患者

媽媽有長期病患的馮小姐致電節目，對崔俊明的言論大感不滿：「好似崔俊明咁講『每日5蚊啫隻藥』。唔係要一隻藥㗎！長期病患要好多隻藥㗎！佢知唔知呀？」她斥公務員「唔使錢睇醫生」，醫生亦不識民間疾苦：「啲醫生覺得好少錢，幾百蚊。梗係啦，佢哋幾十萬一個月呀嘛！」

馮小姐表示母親每28星期覆診一次，料藥費將由600元升至4,200元，憂財政難以負擔：「唔一定睇大病、幾百萬藥費，先至睇到窮。你咁樣扲吓扲吓（荷包）唔係（睇病）睇到窮咩？」

長期病患者不滿加價：唔通我哋又係濫用藥物咩？

本身有長期病患的李先生亦致電節目，指自己現服用8種藥，每4個月覆診，加價後支出將大增：「我由200蚊，可以食4個月嘅嘢，安安樂樂頂住條命，變咗要890蚊。」他質疑為何政府要打擊長期病患者：「唔通我呢啲長期病患，要去覆診嘅人，我又係濫用呢啲覆診咩？濫用藥物咩？點解要加到我哋咁盡呢？」

他稱醫管局多番表明藥費低於外國水平，他怒斥：「咁鍾意同外國睇齊⋯⋯點解你哋高官嘅人工唔同外國睇齊呢？」

至於政府為重病患者設收費「封頂」1萬元機制，李先生指大多數病人都未達1萬元藥費，封頂措施是「廢話」，又表示收費減免機制的入息門檻「等同攞綜緩」，自己難以申請。

限最多取24星期劑量

日後派藥時，公院最多會派發24星期藥物，並改按每4星期收費，崔俊明指：「好明顯嘅，即係你唔會叫呢個病人個個月返嚟配藥。」至於為何將界線定於24星期，崔俊明稱不想病人「屋企儲存太多呢啲藥物」，一來擔心「食錯藥」，二來不想造成浪費。他又提到，曾經有傳媒報導市民會將止痛藥、藥膏、止痕膏等「擺上網去賣」。