【獨媒報導】候任行政長官李家超正積極組班，立法會議員何君堯認為李家超十分幸運：「超哥真係好嘢，行運行到落腳趾尾，諗都冇諗過做咗 CE （行政長官），但係有時世界就係咁奇怪，千算萬算也算不到。」下屆政府將增設副司長，被問到作為律師，有沒有興趣擔任律政司副司長，他表示：「我做乜都有興趣，我擔泥都有興趣。」
被問是否有意任副司長 何君堯：我擔泥都有興趣
何君堯指：「如果鄭若驊唔走咪佢做 Barrister （大律師）嗰個，副司長就搵個 Solicitor（事務律師）去做囉。」被問到有沒有興趣擔任副司長，他回應：「我做乜都有興趣，我擔泥都有興趣，最緊要一樣嘢，要結果為本。」他指不要看輕每樣工作：「看廁所又好、掃街又好，如果你掃街比人掃得乾淨又快，你都係一個狀元。」
他又指香港具有不少人才，相信新政府班子會「快靚正」。
指公務員需「物有所值」 加薪後須做出成績
薪酬趨勢調查委員會今日提交報告，今年的薪酬趨勢總指標都錄得正數，即公務員將加薪由3.2% 至8.3%不等。何君堯認為最重要是「物有所值」，公務員加薪後必須做出成績：「我唔介意洗錢，但你最緊要交返個成績表畀我，係超值先得㗎嘛，咁就會有進步。⋯⋯ 我有能力畀你，你有咁嘅膽量收， 咁我哋一定要做出嚟，就要畀大眾睇。」他又指：「司長都係38萬咋嘛，38萬有幾多？一年先400萬咋嘛！」