（獨媒報導）位於中環海濱的戶外盛事《SummerFest@Central 中環夏誌》，「充氣奇蹟」藝術裝置遭原創者 Joann 批評展品好醜樣、不合比例。策展人區瑞蓮表示，一直與 Joann 保持溝通，對方未有要求停辦，已邀請對方親自來港參觀：「佢話睇到一啲唔靚嘅相，唔係話我哋 set up，嗰啲 photo 係好 ugly，我都解釋返，畀佢知道。最好佢都抽少少時間過嚟香港睇，會比較接近真相。」
中環夏誌今年7月5日至8月11日在中環海濱活動空間舉行，以「充氣奇蹟」為主題，即以生成式人工智能設計五大巨型充氣世界奇觀，包括埃及吉蕯金字塔。《Yahoo新聞》早前向原創者 Joann 查詢，對方回覆稱展品好醜樣、不合比例，在展示前未有徵求其同意，甚至希望停辦。
AI轉換成實體時需作微調 照片未能反映真實比例
策展人區瑞蓮今早在商台節目表示，今年3月以電郵聯絡 Joann，由於是生成式人工智能、只有單角度，所以只在海報寫上「inspired by Joann」，雙方亦不涉金錢交易。她重申十分尊重對方的創作，以圖片、相片作比對，已有八、九成相近：「現實中配合結構、計算、公眾安全，同現實中可行性，會有啲微調。」
區瑞蓮強調，一直與 Joann 保持聯絡，但承認對方不開心：「佢有啲唔開心，睇到一啲唔係我哋畀佢嘅相，佢就有少少擔心同 panic。」不過，她解釋稱藝術裝置由人工智能生成，在轉換成實體的時候需要作微調、修正，照片未能反映裝置的真實比例。另外，活動在每晚上9時關門，藝術裝置亦會同時「放氣」。
稱金字塔共12種顏色 從沒打綠色燈
對於 Joann 向《Yahoo新聞》稱好醜樣，區瑞蓮稱一直與對方以電郵溝通，惟目前心情麻麻地：「我哋都畀返我哋大會嘅相佢睇，因為我哋唔控制到，其他人 send 咗啲咩相比佢睇，開頭傳到好緊要嘅相，基本上係我哋未完成嘅作品嚟，我哋亦都無打過一個綠色金字塔嘅燈，呢啲唔係真相嚟。」
在節目中，區瑞蓮更表示沒有「綠色金字塔」：「我哋從來無出現綠色燈，因為我哋有12種顏色嘅，當時我哋都未 set up 好，未開始。」她透露不少傳媒聯絡 Joann：「佢都真係好驚，都唔知點回應，我請緊佢嚟香港嘅，親自睇。」對於區瑞蓮質疑「呢啲唔係真相嚟」、金字塔沒打綠色燈，《Yahoo新聞》今日隨即反駁稱，相片在現場實地拍攝，亦未有將相片調色。
《Yahoo新聞》稱照片在7月3日晚上由記者拍攝，沒有調色。
強調非政府項目 籲市民入場「唔好淨係活在網絡世界」
對於白色巨石陣在日間予人「墓碑」的觀感，區瑞蓮稱屬原創者的原意：「如果我哋唔係用佢嘅創作，咁就唔需要合作啦，我哋睇中佢有種天真同可愛喺裡面。」她提到，活動主要予小朋友到場「放電」，三日已有1.2萬人入場：「路過咪打嗰卡囉，唔鍾意⋯⋯或者我鍾意紅色，我唔鍾意白色，咁咪個人選擇囉，好自由嘅。」
區瑞蓮最後稱，今屆活動主題是要配合奧運，「將世界帶嚟香港」，強調「純私人機構請大家去玩」：「係免費嘅，唔係政府項目！無政府資助，我哋已經第八年做，每年都有唔同主題。」她又呼籲市民親身入場，「唔好淨係活在網絡世界。」