【獨媒報導】立法會昨日全票通過《維護國家安全條例草案》，政務司司長陳國基今早參觀香港花卉展覽，指很有信心在完成《基本法》第23條立法後：「香港嘅未來呢，就應該好似呢度啲花卉一樣，開得咁燦爛㗎啦！」他批評美西方國家抹黑立法，特區政府必定盡力反駁，指出事實真相：「香港嘅前途就好似今日嘅花卉一樣，非常之燦爛㗎啦！我相信以後特區政府都會集中去做多啲點樣改善經濟，最緊要點樣改善民生，讓我哋老百姓生活得開開心心，令香港成為一個宜居嘅地方！」
陳國基今早在參觀香港花卉展覽後見記者，指立法是特區政府與立法會、社會各界通力合作的重要成果，亦是特區維護國家安全工作的重要里程碑，本港將在更安全、穩定的社會環境下，集中精力發展經濟、改善民生。
政府新聞處圖片
反問西方國家2019年通街汽油彈 為何不稱影響人權
另外，陳國基特別提到，懲教署設計的「支持二十三條立法」的打卡路牌好有心思，配合昨晚全體議員通過法案。記者指不少海外國家對立法表示憂慮，擔心基本自由受到侵蝕，並問陳國基對方的反應是否反映外商或外來人才有實質憂慮，當局是否擔心外商撤資，會如何作解說以增強對方信心。
陳國基先斥責美西方國家不斷抹黑23條，再反問：「其實呢啲國家本身都有保護國家安全嘅一啲條例，點解佢可以保護佢國家嘅安全，而香港唔可以呢？」他認為，對方不希望本港有國安法，因此才能有機可乘破壞香港安寧，並重提2019年「通街汽油彈、日日都示威、日日都打架」：「點解嗰時佢哋唔出嚟話影響人權，影響個人權利呢？」
政府新聞處圖片
陳國基：請求議員支持政府法案屬應有之義
記者又問陳國基，其昨日在大會前向議員發訊息，建議投贊成票，會否對他們造成壓力。陳國基稱「呢個唔係壓力」：「政府請求議員支持政府法案，呢個係應有之義嚟嘅，係應該做嘅嘢。」他強調不是影響議員投票，應是希望對方支持。
陳國基表示，本港的基本安全在立法後已得到法律保障：「市民可以好安心出嚟睇吓、行吓花市，行吓街，呢個咪就係行使緊自己嘅權利囉！」他炮轟該些美西方國家欲破壞本港安寧、秩序：「我哋香港市民一定要弄清楚呢一點，千祈唔好俾佢哋矇騙到。」
至於會否向外商就立法作解說，陳國基稱「會」，當局會與不同持份者解釋，指律政司司長、保安局局長在條例審議期間，已向議員作充分解說。他又重申，當局在條例草案開首已寫明，會跟足所有相關人權條例。