【獨媒報導】《基本法》第23條立法公眾諮詢在月底結束，保安局局長鄧炳強傍晚出席一個講解會後見記者，發揮其應變反駁隊隊長本色，一口氣連環反駁前港督彭定康、英國保安國務大臣董勤達、自由亞洲電台，及前立法會議員許智峯，炮轟該四名人士及媒體抹黑、恐嚇港人，重申不少本港市民、做生意人士都歡迎今次立法。
民建聯今日舉辦23條立法講解會，律政司副司長張國鈞、保安局局長鄧炳強出席，為該黨成員就立法作講解。講解會以閉門形式進行，二人在會後與民建聯主席陳克勤、副主席周浩鼎見記者。
在開場白中，鄧炳強稱不少市民、做生意人士都歡迎立法，立法能提供安全生活、安穩的環境：「回想返2019年嘅時間，喺『黑暴』嘅時間，『港版顏色革命』嘅情況底下，你做生意做唔到，俾人打爛晒你啲商舖。你講一句同呢啲『暴徒』唔啱嘅嘢，就會比人打。當其時正正就係無晒言論自由，比人打！」
先點名斥彭定康 重申拘捕行動必定依法執行
鄧炳強及後稱，留意到有外部勢力、「走咗佬嘅人士危害國家安全嘅人」，仍在刻意抹黑立法：「我作為應變反駁隊嘅隊長，我要喺度作出一啲反駁！」他先點名斥前港督彭定康，稱在國安法立法後不需要23條立法，又暗指執法人員可隨意作出拘捕：「呢啲全部係錯嘅！」他重申，23條立法共有七個罪類，當中只有兩個被國安法涵蓋，所以必須立法消除其他國安風險，拘捕行動亦必定依法執行：「呢啲都係抹黑同恐嚇香港人！」
除了彭定康，鄧炳強亦點名英國保安國務大臣董勤達，竟稱在23條立法後摧毀繁榮要素，即自由、機會及公平法律：「英國佢都有國家安全法律㗎，其實我哋今次23條立法都參考咗佢哋，特別係2023年嘅國家安全法。點解你就可以有國家安全嘅法律？我哋想有國家安全法律保護自己嘅時間，你就話我哋香港嘅摧毀繁榮，呢啲就係雙重標準，呢啲就係刻意抹黑！你就可以防衛，我就唔可以防衛？呢個就係外部勢力，就係咁嘅態度啦，我哋必須要防衛自己。」
批RFA 引述錯誤評論 鄧炳強：美國聯邦政府資助嘅媒體
鄧炳強再點名自由亞洲電台（RFA），指該個由美國聯邦政府資助的媒體，引述錯誤評論稱23條立法的罪行針對傳媒：「呢個又係假，又係錯嘅！」他再三重申，立法只針對危害國家安全的人，對傳媒報導有充分保障及自由。
鄧炳強緊接點名前立法會議員許智峯，不滿對方暗喻23條立法含有追溯力，強調本港採用普通法，立法沒有追溯力：「所以千祈唔好俾後先所講嘅外部勢力、走咗佬，危害我哋香港安全嘅人一啲謊話，一啲嘅誤導性言論，引致大家對23條嘅誤解！」
鄧炳強：「雖然記協無乜代表性」 惟歡迎提交意見
記協主席陳朗昇今午出席外國記者會論壇，預計在立法後，願意接受駐港外國記者的人數將會減少，記者問鄧炳強會否作出反駁。鄧炳強則指，「雖然記協無乜代表性」，但仍歡迎對方提交相關意見。
有記者關注鄧炳強口中的自由亞洲電台，即訪問對立法持反對意見人士，當局是否許可，「有無過咗嗰條界線」。鄧炳強就稱主要看出發點：「如果作為外部勢力，有心抹黑嘅話，唔論係咪犯法先！呢個我哋慢慢研究呀！用呢啲嘢嚟誤導香港市民，恐嚇香港市民！呢啲唔係事實嚟！所以我必須作出反駁！」
此外，鄧炳強稱自諮詢期開始至今，當局已舉行約20場宣講會，對像包括外國領事、商會、不同專業界別，例如法律、教育及社工等，與傳媒界、社區人士及人大政協，大部分都支持立法。張國鈞則呼籲，市民積極向當局反映立法的意見。
