【獨媒報導】立法會昨日全票通過《維護國家安全條例草案》，完成《基本法》第23條立法。全國港澳研究會副會長譚耀宗形容，在立法後可以放下心頭大石：「盡咗個憲制上責任，維護國家安全，我哋可以放手發展經濟。」
譚耀宗今早在新城節目表示，對能完成立法感到「好開心」，認為符合中央要求，及市民對特區期望，並指立法過程都係好順利：「從諮詢開始一路到通過，呢度反映出香港方面一個好大轉變，因為我哋由亂到治治及興，呢個興嘅開始。」
譚耀宗稱市民沒疑慮 法例生效後與過往無分別
條例將在周六刊憲實施，譚耀宗認為市民不會有疑慮：「你睇到法例生效之後，其實同過往無分別嘅，哈！我哋只係防範、制止某啲人去嚟破壞國家安全咋嘛，我相信呢啲係好極少數情況。」他表示，在法例生效後能起防範、制止作用，中央會更信任香港，屆時便能加強發展經濟：「大家出謀獻策，商界都係咁諗！」
資料圖片
今次草案在立法會以馬拉松式審議，最終在昨日加開會議的情況下三讀通過。譚耀宗指審議過程認真、謹慎，司局長親自向議員解釋，議員的問題亦反映了市民的疑慮：「成個過程雖然係快，但快得嚟認真，好小心嘅。我相信今後提出疑問嘅機會唔大㗎啦！」
被問到「火速立法」，譚耀宗就認為顯示了政府、立法會的積極性及決心，重申立法過程「快得嚟認真」，其他事務、法例亦「讓路」完成立法：「大家一心一意，有共同目標早日完成，呢個好好呀！行政立法有共同目標解決問題！」
斥美國雙重標準 強調「點威嚇都無所畏懼」
對於美國國會及行政當局委員會早前去信美國國務卿布林肯，指23條立法進一步削弱本港法治、基本自由，及損害美國在港利益，呼籲採取措施包括制裁損害香港民主的官員，並提醒美國商人、公民在港面對的風險，並提升旅遊警示。
譚耀宗就斥對方行為不合理、雙重標準：「佢作出種種抹黑呀，我哋都不為所動啦。」他強調：「我哋做呢樣嘢係天經地義嘅、合情合理嘅，係咪？就算你點威嚇我，我哋都無所畏懼，因為國家大事呀嘛，人人有責，國家安全呀！」
資料圖片
指國家外交獲廣泛國際社會支持 譚耀宗：人心喺我哋呢邊
對於美國眾議院外交委會通過法案，如總統確認香港經貿辦不符合在美國目前享有的特權、例外和豁免，本港駐當地經貿辦或需要關閉。譚耀宗認為要據理力爭，減少對香港帶來的傷害：「我認為亦都唔會令到香港致命，其實我哋最關鍵，本身要團結要有信心。」
譚耀宗表示，本港有強大祖國的支持及後盾：「國家喺外交方面，得到廣泛國際社會嘅支持，我諗人心喺我哋呢邊，我哋唔怕嘅！特區政府一定要積極！唔係淨係立完法就話OK啦、萬事大吉嘅！唔係！我哋要繼續努力嘅！」
另外，歐盟就23條立法發聲明，關注條例對港人權利和自由的潛在影響，認為或會加劇對本港基本自由和政治多元化的侵蝕。外交部駐港特派員公署批評，對方是攻擊抹黑，表明強烈不滿和堅決反對。