【獨媒報導】選舉委員會選舉花近14小時點票，惹來多名選委候選人不滿。立法會政制事務委員會今午討論立法會換屆安排，就火藥味十足，選舉事務處先就選委會選舉不便向公眾致歉，但多名議員繼續發炮，「撳鐘」最快的麥美娟和何俊賢要求政府「吸取教訓」，又批評政府浪費時間。政制局局長曾國衞不滿被圍攻，反指會議主題是立法會選舉安排，並非「聲討大會」，何俊賢激動澄清「無聲討佢，係佢點樣改善，唔好將呢頂帽笠喺我頭上面」。曾國衞續指「我唔係笠落去」，重申「事件已經發生咗」，選管會已應要求完成檢討。
麥美娟
在曾國衞開場發言後，總選舉事務主任翁應輝交代2021立法會換屆選舉安排，以簡報逐點介紹，有議員不滿冗長發言，要求翁應輝講重點。在質詢環節，工聯會麥美娟成功「爭頭位」發言，她指在剛過去選委會選舉有「難忘經驗」，在點票中心等了十多小時，無人通知票箱何時抵達、為何延誤。她又指當時有傳聞「可以返去先喇，呢度啲機壞哂呀，聽朝12點先有結果」，令一班候選人提早離場。她又抱怨十多小時無人回答點票出了甚麼問題。
何俊賢
民建聯何俊賢接力批評選舉安排，第一句就「提醒」曾國衞「嚟到立法會嘅話呢，你講啲議員已經知道嘅問題，就浪費時間」，「市民想知政府喺選委會選舉吸取咩教訓，我喺呢份文件睇唔到」。他指政府致歉雖然真誠，但看不到措施補救。何俊賢又指有些錯誤非公眾能接受，他點名選管會主席馮驊，批評他解釋點票延誤的理由不能服眾。他又指上屆漁農界功能組別，150張選票要等到翌朝十點才公布結果，質疑政府一直忽略「漏洞」。
曾國衞
曾國衞亦反擊，指今日會議主題是立法會選舉安排，雖然剛過去的選舉議員有眾多觀察，但今天會議「唔係檢討大會，或者一個聲討大會」，希望集中討論立法會選舉。何俊賢立即打斷曾國衞，要求澄清：「呢個唔係聲討大會，我無聲討佢。出現咗問題，同樣可能出現嚟緊立法會。我唔係聲討佢，係點樣改善，唔好將呢頂帽笠喺我頭上面。」委員會主席周浩鼎欲打圓場但不成功，曾國衞續指「我唔係笠落去」、「事件已經發生咗」，選舉會及選舉事務處需時檢討。
民建聯葛珮帆再揶揄點票為是次選舉蒙上污點，「14個鐘，逐張睇都點咗幾次啦」。她又指今次點票機出現「卡紙」情況，憂慮立法會選舉時，有人會故意「揸皺」選票造成卡紙，從而延誤點票。翁應輝澄清，票站人員若見到選票太皺，會人手點票，根本不會放進點票機。
葉劉淑儀
新民黨葉劉淑儀就指「唔係針對馮驊」，但政府不應再委任法官擔任選管會主席。她稱法官「不沾紅塵、唔係時時落區」，除了「打波同唱K」，相信甚少走進社區，不是法官身份也可以「公平、不偏不倚」。曾國衞回應指，選管會主席是由特首委任，會將意見反映。