【獨媒報導】《財政預算案》下月公布，廠商會今午舉行傳媒茶聚，提出逾90項建議，包括延長「還息不還本」安排至兩年、擴大「中小企融資擔保計劃」的擔保費減免幅度、取消「補充勞工優化計劃」對工資中位數的要求，以及發展工業旅遊等。對於經濟不景，會長盧金榮認為政府應增加對企業的資助刺激經濟，強調所需金錢「都唔係好多」：「我哋覺得喺過往嘅經濟環境裡面需要一啲刺激嘅政策出嚟，所以用少少錢但希望有個乘數效應，可以令到嚟緊嘅經濟好啲嘅。」
盧金榮
盧金榮引述會員對前景的調查，表示業界普遍最大的經營挑戰是客戶壓價，其次是地緣政治風險，之後是營商成本上漲。他指業界面對多項挑戰，但仍積極拓展市場，期望可以得到更多政府的財稅支援，建議減免徵收商業登記費、為商業提供電費補貼、一次性寬減差餉、薪俸稅及利得稅、提高「中小企業市場推廣基金」資助總金額上限至每宗15萬元，以及爭取「一周一行」擴大至大灣區內地城市。
廠商會稱首要刺激經濟、鼓勵投資
面對千億財赤，據悉政府擬連續第二年向高收入人士加稅，盧金榮認為政府應檢視過往一年加稅的實施情況，他又強調廠商會的建議是基於現有支援計劃作優化，所需的金錢「都唔係好多」，「我哋覺得喺過往嘅經濟環境裡面需要一啲刺激嘅政策出嚟，所以用少少錢但希望有個乘數效應，可以令到嚟緊嘅經濟好啲嘅。」
馬介欽
廠商會常務副會長馬介欽則認為現時首要是刺激經濟，「要徹底消除嗰財赤呢，最緊要都係促進經濟嘅多元化發展，同埋鼓勵大家投資，即係做大個餅。」他又指，加稅並非一個長遠解決問題的方法，「一味靠加加加，呢個都唔係一個辦法，長遠真係要刺激經濟，發展經濟多元化。」
被問及政府應否削減一些資助計劃，令資源用得其所，廠商會副會長兼經民聯立法會議員吳永嘉以創科局已停止接受「科技券」申請為例，「嗰度會慳返啲錢出嚟，就會擺咗落去另外一啲計劃度」，並認為政府已陸續重整及檢視不同資助計劃，以待《預算案》的公布。
吳永嘉
倡發展工業旅遊 參觀工廠生產線
另外，廠商會提議發展「工業旅遊」，將工廈發展成旅遊熱點，免收地契豁免書費用，甚至容許業主不用申請，香港有否足夠條件應付？吳永嘉表示香港仍有不同工業，如大型麵包餅乾廠及醬油廠等，可將其打造成旅遊博物館或令人「睇得通透」的生產線，「其實只係將嗰石屎牆剝咗去，將佢變做透明嘅玻璃牆，我哋點會冇條件做呢？」他希望發展局能拆牆鬆綁，使工廠能舉辦如工作坊等的商業活動，促進旅遊發展。