【獨媒報導】本港面對千億財赤，《財政預算案》提出問責官員、行政會議、立法會、司法人員及區議員在2025/26年度凍薪。選委界議員吳傑莊引用前NBA球星米高佐敦（Michael Jordan) 的說話作例子，稱對方曾被問及剛加入NBA的新人卻享有高薪，「米高佐敦話人人應該搵多啲」，認為減薪沒有意思，反而應該想辦法增加生產力。
政府除了提出公務員凍薪，亦將經常開支連續三年削減2%，公務員編制則在本屆政府任期內減少1萬個職位。記者問到高官未有減薪，如何向外界作示範作用。
江玉歡
江玉歡指經常性開支削減2%仍屬保守
立法會議員吳傑莊在回應高官未有減薪的時候，引用前NBA球員米高佐敦的說話作例子：「今日講開NBA啦，美國NBA一個巨星啦，米高佐敦講過，當年啲新人，NCA（編按：正確名稱為NCAA國家大學體育協會）好高人工入去打NBA，超級高。啲人問佐敦點睇呀？點睇新人，freshgrad咁高人工。米高佐敦話人人應該搵多啲！點解要咁佢哋呢？係咪應該要諗搵多啲，整大個餅。」
另外，吳傑莊認同當局削減公務員編制，精簡人手。同屬選委界的江玉歡同意吳傑莊的說法，認同在龐大系統中減少人手，惟認為政府將經常性開支連續三年削減2%仍屬保守。
林筱魯
林筱魯稱願意承擔凍薪甚至「進一步行動」
高官議員未有減薪，另一選委界議員林筱魯指公務員減薪會帶來不好的觀感：「減薪嘅示範作用係咪都話俾所有市民同商界聽『佢哋都應該減薪』呢，我係咁睇嘅，所以我自己具體俾財政司司長建議都係凍薪、凍人手，而唔係減。」至於高官議員「我絕對願意同政府主要官員、議員朋友一齊承擔凍薪，甚至可以再進一步嘅行動，與民共呼吸。」