【獨媒報導】新一份《財政預算案》今日出爐，多個政黨均表態支持，不過選委界立法會議員何君堯就唱反調，坦言感到失望，批評政府沒有著力減省開支，節流措施亦未夠大膽，但已引起市民反感：「唔好閹吓閹吓、奀支奀支，做啲嘢完全冇大格局！」他認為高官議員應一同減薪：「你話叫我凍薪，其實減薪都唔怕。點解你唔去減？」

不同立法會議員下午相繼見記者交代對《預算案》的看法，何君堯甫開始便稱對《預算案》感到失望，指政府今年整體開支達8,223億元，總收入為6,594億元，開支比去年多出約1,500億元，借貸亦比去增加300億元，不滿政府在減省開支方面太保守：「我今日聽咗成兩粒鐘，我唔覺得有下壓（整體開支），相反收入亦冇咩良方，反而仲要借多300億𠻹，我哋借錢度日形成咗基本模式。」

何君堯續稱社福、教育、衞生的開支比例未有明顯減少，認為要大膽節流：「你話叫我凍薪，其實減薪都唔怕。點解你唔去減？有啲大數目，大刀闊斧你唔做，係做埋晒啲閹吓閹吓。」他亦批評政府寧願研究徵收離境私家車邊境建設費，每次每輛200元：「你唔好真係驚得咁交關，香港人上去洗錢係咪會導致香港經濟萎縮，如果係你出境人頭都收啦，唔好剩係針對車嘛，收個200蚊幫到乜嘢？根本幫唔到！」

他認為政府的措施連「杯水車薪」都談不上，但已引起市民的反感：「唔好閹吓閹吓、奀支奀支，做啲嘢完全冇大格局！」他表明反對《財政預算案》，如果沒有更好交代必定會投下反對票。

被問到高官「只凍薪不減薪」是否有示範作用，何君堯直言：「邊度有示範作用？你自己一毛不拔，唔加人工有咩咁大件事啫？我覺得啲官而家隻腳係水腫到連鞋都著唔到。所以應該係要減，我係叫你唔好再令自己太過臃腫。」

財政司司長陳茂波曾解釋本港財應分為兩大類，包括涉及稅收、投資收入及日常支出的經營帳目，以及涉及基建工程及土地徵用的非經營帳目。何君堯對此亦持相反意見，指《基本法》第107條表明財政預算以量入為出為原則，力求收支不衡：「好直接簡單，入幾多出幾多，就量入為出，唔洗睇邊個戶口多啲少啲。呢個唔係正確總覽宏觀嘅睇法。」