【獨媒報導】國際邁阿密上周日來港作賽，阿根廷球王美斯「失場」，在昨晚日本舉行的表演賽中則後備上場。有體育學者表示「整件事有啲不尋常」，分析指美斯不但未有出席賽前記者會，在賽後頒獎更有意繞過官員兼不領獎，指對方一向以團隊精神、顧及其他球員感受見稱，及「唔係一個好囂張嘅人」，各方在今次事件都是輸家：「我覺得由球員、球隊、香港政府、Tatler Asia 作為 agent，以至球迷都係輸家嚟。」
美斯在港未有參與比賽，事件繼續發酵。文化體育及旅遊局昨晚回覆傳媒查詢時稱，國際邁阿密教練當日在港宣布美斯因傷不能出賽，但三日後美斯在日本卻活躍自如上陣出賽，在球場上作了不短時間的激烈運動，希望主辦方、球隊向香港市民作合理解釋。
劉永松：美斯「傷勢」已沒大礙 只不過佢無用口講啫
另外，美斯在日本的賽前記者會稱，磁力共振報告顯示沒有受傷，未能在香港站上場是因為身體不適。浸大體育、運動及健康學系教授劉永松今早在港台節目《千禧年代》表示，美斯在昨日的比賽已說明一切：「佢用身體活動話俾大家知，佢嘅『傷勢』冇咩大礙。因為佢做嘅動作，都係高強度、高速度，轉速、變向，傳球、射球，只不過佢無用口講啫。」
直播截圖
劉永松就指出，唯一可以解釋的是美斯肌肉繃緊，但指這不屬於創傷，只是在長期高強度、頻率下訓練、比賽，令部份肌肉僵硬，可以通過治療、針灸及按摩給紓緩。他表示，現時高水平球員每年參與至少60場高強度比賽，理解球員的身體創傷及困擾。
至於美斯口中的身體不適，劉永松認為要由對方親自解釋，但已屬很困難的事：「好需要佢自己解釋，到底除咗身體上面嘅創傷，到底係咩問題，令到佢唔能夠喺香港落場。」
認為球迷已很體諒 指「簽個名踢上去，啲人都好開心」
不過，劉永松指球隊在機場抵埗後，未有完成歡迎儀式便匆匆登上旅遊巴，「整件事有啲不尋常」：「呢次表演賽純粹係一次品牌嘅世界巡迴表演賽，即係商業掛帥、做廣告、品牌，有一套模式。雖然佢哋 Tatler Asia 唔係做足球，或者大型運動，但係 marketing 營銷工作應該做得好好。」
劉永松分析稱，美斯不但未有參與賽前記者會，及沒有在公開場合參與任何互動環節，在未有出場後亦拒絕交代，在賽後頒獎的時候更有意繞過官員兼不領獎。
他指美斯一向以團隊精神、顧及其他球員感受見稱，及「唔係一個好囂張嘅人」，而本港球迷在賽後亦已十分體諒，惟美斯始終未有在現場解釋：「好多球迷都講，簽個名踢上去，啲人都好開心。大家都好能夠理解運動員嘅創傷，我哋需要保護佢愛戴佢。」
推動運動盛事化需體育法律專家
此外，劉永松指香港政府在今次事件中是受害者，當局亦未有審視主辦單位的合約細節。他認為，本港在推動運動盛事化的時候，需要大量專業人才，包括體育法律專家作出協助，而「一般嘅律師未必懂得」。
