【獨媒報導】截止中午12時30分，立法會選舉投票率為12.08%﹐較19年區選及16年立法會選舉低。八和會館主席、體育、演藝、文化及出版界功能界別選委之一的汪明荃今午到會展投票後見記者，被問到對投票率低走的看法，她笑言：「低都冇辦法㗎，遊戲規則係咁嘛。」現場記者不明所以，她才補充指選民有權選擇投票與否。
選委會界別共有 1,448名登記選民，截至中午1時30分，投票率為75％，投票人數為1,086人。汪明荃指今日投票過程大致正常，惟新設的選委會需要投選40人，她稱「聽講」有部分選委不諳新制而「劃多咗、劃少咗」，需重新投票，「有啲人真係唔太熟悉。」
被問到投票準則，汪明荃指自己會留意現屆立法會議員的表現，以及視乎他們的代表界別。有記者追問她會否支持現屆議員「冧莊」，她稱視乎議員是否做實事，「會唔會拖遲會議去進行」，又言「唔好特登去拉…… 拉慢個議會進行。即係搞破壞啦，簡單啲咁講。」
有記者欲以提出英文問題，惟她即言「唔好意思，我講英文唔係咁流利，你應該識聽中文」，便轉身離去。