【獨媒報導】已表明有意參選新選區「新界東北」的新民黨李梓敬，今午在大埔墟政府合署外收集提名。潛在對手民主思路黃穎灝至今仍未獲得足夠提名，李梓敬表示聽聞有「非建制派」有意出選新界東北，但「淨係聽過民主思路，不過我噏唔出佢個名」，李對取得足夠選委提名有信心。不過在收集地區選民提名時，有義工聲稱不屬新界東北的居民亦可簽名，經記者糾正後才急急改口。
民建聯立法會議員陳克勤今早報名參選新界東北，李梓敬表示知道陳克勤已報名，他亦聽聞非建制派有意出選，「淨係聽過民主思路，不過我噏唔出佢個名」。他稱已收到足夠選委和選民提名，有幾個來自他的「師兄弟」和同一政治團體，「嗰啲相對容易啲」，但具體人名和政綱要待稍後報名時才能公佈。
「鼓勵」民主思路：「譚香文都攞到」
對於民主思路仍未獲足夠選委提名，李指因為很多選委之間互相認識，「好多時搵返自己熟嗰啲」；但他認為，提名期尚有一星期才完結，見其他區報名的人頗多，「譚香文都攞到」，相信非完全沒方法。
李梓敬不認為有人會響應投白票
被問是否有信心在競爭不大的情況下順利當選，李不同意，並指自己選情「嚴峻」，「作為候選人，我哋要有足夠嘅票數去贏，嗰個係my concern。」李又稱，雖留意到有人在網上呼籲投白票，但不認為今屆投票率會低，指網上輿論亦有不同看法：「唔係話有個人出嚟呼籲一啲嘢，啲人就會聽。我自己覺得，香港人都幾醒目。」
收集提名期間，有拿著提名表格的義工一度稱，不屬此區的選民亦可以簽名：「我都係咁簽！」惟記者多番確認後，義工才改口稱要大埔和沙田居民才能簽名。根據法例，地方選區的候選人要取得最少100名該選區的人士提名。
有義工一度稱不屬選區的居民也可提名李梓敬
街站有多人聚集，超過限聚人數
2021年立法會換屆選舉的候選人提名名單，請參閱選委會網址