（獨媒報導）曾參選2016立法會選舉的陳玉娥（娥姐），早前在社交平台「告急」，指已經取得足夠「新界北」地方選民提名，但未獲足夠的選委提名。娥姐今早再召開記者會告急，聲淚俱下哭訴選舉新制度，稱自己獲得的選委提名「少到我都唔好意思講」。她又指有些選委無法找到聯絡方法，「香港人海茫茫點搵你？」她形容提期名只剩幾日，自覺可憐，只能「垂死掙扎」，希望自己「有枝神仙棒，一變就變咗入閘」
不希望有新選舉制度
新選舉制度候選人要在五大界別最少取得兩個提名，記者連番追問陳玉娥手上有多少提名、尚欠哪個界別，陳玉娥表示不便透露，「有，但係少到我都唔好意思講」。陳玉娥指很早階期就開始找建制朋友取提名，對方叫她「睇下先、等下先」，後來發現這些人自己報名參選。她歎道參政9年，「我好似係建制派自己友，但講嚟講去到而家我都拎唔到足夠提名」。
她又大呻「攞提名真係好辛苦囉，唔係講笑」，找過好多社會知名人士，但最終「食檸檬」，現在只能站在閘外「等運到」，形勢不樂觀。
仿效思主思路轉區？ 娥姐：不負責任
陳玉娥表示從新聞得知，有些候選人找「建制大哥大」牽線就取得足夠提名入閘，她反問「點解無發生喺我身上？」嘆自己有「不一樣的命運」，多次形容自己「好可憐」、「好想喊」。
有記者問若有人要求她轉區以換取提名，會否接受，陳玉娥斷然拒絕，因為「對唔住提名我嘅人」她覺得轉區是不負責任，「有少少唔啱囉，我唔會咁做」。她已經獻出9年青春論政，不分日夜為政府為人民服務，「好想藉選舉睇下香港人認同我幾多囉」。
有記者問會否覺得新選舉制度阻礙有意參選的市民，陳玉娥表示自己就是明顯例子，她認識的選委不多，「咪就係阻咗我囉」，有一個界別的人她全不認識，上網找不到聯絡方法，「有抱負又點呢，有抱負咪企咗喺度，等運到囉」。她又表明不希望有新選舉制度，形容面前有如一塊搬不開的大石。
已報名參選新界北的有民建聯劉國勳、元朗區議會主席沈豪傑以及「香港新方向」張欣宇。