【獨媒報導】行政長官李家超任內第二份《施政報告》今日出爐，全日制非本地研究生11月起可參與兼職工作。被問到措施的實際成效及會否影響本地生的兼職機會，身兼嶺南大學協理副校長的劉智鵬向《獨媒》稱不擔心會影響本地生，「因為我哋全世界等緊人做嘢，基本上係唔夠人做嘢，你哋都做過本地學生，都唔係下下走去做嘢，所以我覺得應該多啲人去做嘢，引發大家多啲做嘢都係好事嚟」。
對於措施增加非本地生留港的意欲，劉智鵬就相信成效正面，認為是好事。他表示「有工經驗梗係容易吸引佢哋留低啦」，特別是碩士班的學生，指他們的學期只有一年，「佢哋見都未見過呢個產業，所以（想）『不如返上去啦』，如果佢喺度有足夠時間可以做啲兼職，亦都俾個機會佢試下去啲有興趣行業」，強調「試咗先」總比沒有任何措施好。他更透露有研究生希望替他工作，但一直不能聘任，喜見11月後終於可招聘，更笑言：「如果有朋友需要，嚟搵我！」
黃錦輝
身兼香港中文大學工程學院副院長（外務）的黃錦輝亦補充指，學生很希望找工作，並稱政府對非本地生有一定補貼，「與其佢讀完就走，點解唔留住佢呢？」重申支持非本地生從事實習或兼職工作。