【獨媒報導】行政長官李家超公布新一份《施政報告》，一眾立法會議員均支持讚好。選委界何君堯對《施政報告》未有提及司法改革感到遺憾，促請律政司主動聯絡其他普通法司法管轄區的法官，包括南非、印度等，來港擔任終審法院海外非常任法官：「去尋找呢啲有聰明，有睿智嘅法官嚟加盟我哋終審法院嘅工作都得㗎嘛！我唔飲澳洲奶，一樣都可以飲蒙牛奶，唔飲蒙牛奶，一樣可以飲第啲奶都得㗎嘛，乜奶都得㗎啦係咪先？總之有奶就得！」
何君堯早前向當局提交五項建議，稱當中四項已獲當局接納，包括精簡公務員架構，即加強公職人員培訓，及加強建設北部都會區以鞏固八大中心地位等：「呢個北部都會區呢，概念推出咗已經兩年半，但至今呢，沙盤都未見到過，我話我哋都要關心，今日特首亦都話，會盡快爭取搞好佢。」
終審法院海外非常任法官范理申上月以「個人理由」不再續任，成為今年第五名離任的海外法官。何君堯亦關注事件，稱「呢張清單逐步逐步會萎縮」：「如果我哋喺司法系統裡面，或者憲制領域事務裡面，唔諗清楚要點樣將呢個危機扭轉，一路一路呢張名單就會縮小又縮小。」
何君堯表示，現時全球共有68個普通法司法管轄區，除了英國、澳洲、紐西蘭及加拿大外：「都仲有64個國家司法系統用普通法，點解我哋唔主動去尋找新加坡呢？南非呢？印度呢？甚至乎喺加勒比海裡面，睇小人哋島國咁細喎，我哋香港股票市場，上市融資嘅嗰啲holding company，大部分都係Bermuda，BVI，點解又唔去請吓嗰啲地方呀！」